Спорт
Сари по поразот од Атлетико: Мора да се „ослободиме“ од шест играчи
По поразот на Јувентус од Атлетико Мадрди со 2-1 на вчерашниот пријателски меч, тренерот на „Старата дама“, Маурицио Сари ја коментираше играта на својата екипа.
„Задоволен сум од настапот, посебно во првото полувреме, и тоа против екипа која беше во подобра физичка форма од нас. Никогаш не смееме да примаме голови како тој вториот, но тое е дел од претсезонската работа. Сепак, мора да се „ослободиме“ од шест играчи за да ја задоволиме листата за Лигата на шампиони. Тоа никаде не сум го прочитал, а тој избор може да изгледа ненормално. Тоа ме става во многу тешка позиција на 20 дена пред крајот на преодниот рок. Тоа е срамота, ризикуваме некои играчи да не можат да настапат на високо ниво“ – вели Сари.
Запрашан за неговото мислење за Дибала, тој вели дека неговото мислење за Аргентинецот не треба да се зема во предвид.
„Дибала е со мене имаше само два тренинга, па сите оценки ќе се избрзани. Јасно е дека не може да биде на врвот на своите можности, а тоа влијае и на она што тој може да го стори како „лажна деветка“. Со Дибала може за се да разговарам, но пазарот тече и моето мислење е рамно на нула. Мора да ја смалиме листата за 6 играчи и тоа е се. Сакам сите да ги задржам, но нашиот проблем е што немаме играчи кои израснаа во овој клуб, постои само еден, па цела екипа во Лигата на шампиони ќе биде со 22 играчи од кои тројца голмани“ – рече тренерот на Јувентус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.
Спорт
„Заминувам ако Алегри остане тренер“
Федерико Киеза (26) е подготвен да го напушти Јувентус. „Газета дело Спорт“, дури тврди дека италијанскиот репрезентативец им поставил ултиматум на клупските челници.
Енрико Киеза, сезонава не игра на вообичаеното ниво откако се опорави од тешката повреда.
Иако италијанскиот репрезентативец постигна скромни осум гола и две асистенции за неговите стандарди, Јувентус би сакал да го задржи, но се уште нема никаков напредок во преговорите.
Неговиот актуелен договор е до 2025 година, што значително го намалува просторот за маневрирање на клубот.
Киеза на лето би можел да влезе во последната година од договорот и тоа ќе биде последна шанса да клубот заработи од неговиот трансфер.
„Газета дело Спорт“, пишува дека Киеза својот потенцијален останок во клубот го условува со ултиматум. Италијанскиот весник пишува дека Киеза на затворен состанок јасно им кажал на клупските челници дека сигурно ќе го напушти клубот доколку Масимилијано Алегри остане тренер и во следната сезона.
Сериозен интерес за Киеза покажа Рома, односно нејзниот тренер Даниеле Де Роси, кој ќе ја доби довербата да го предводи тимот и наредната сезона.