Спорт
Сари презентиран во Торино: Ниеден клуб не ме посакувал повеќе од Јувентус
Маврицио Сари беше промовиран во нов тренер на Јувентус на прес-конференција во Торино кога Челси му дозволи на италијанскиот стратег да замине по една сезона на „Стемфорд бриџ“.
Сари вели дека не се двоумел дали да ја прифати понудата од Јувентус и покрај тоа што знаел дека ќе го навлече бесот на навивачите на Наполи, кои се чувствуваат предадени од овој трансфер.
„Чувството пред Јуве да ме повикаат? Навистина силно. Никогаш не сум видел клуб кој е толку посветен да добие некој тренер. Јувентус е најважниот клуб во Италија и ова е кулминација на мојата долга кариера. Јас сум ги почитувал сите. И како последен чин, морам да ги почитувам мојата професија и мојот професионализам“, вели Сари.
Тој открива дека добил и СМС-пораки од некои негови поранешни фудбалери.
„Добив лични пораки од некои од тие фудбалери кои коментираа дека сум предавник, но во нив имаше поинаков тон. Знам дека некогаш тие зборуваат тоа што сакаат да го чујат од нив. Имав три години во Наполи, направив избор поради нив да одам во странство. Но, морав да се вратам во Италија и добив понуда од Јувентус и тоа е тоа. Мојот избор беше логичен и нема потреба да се пишува роман за тоа“, додава Сари.
Сари исто така открива дека долго време најважното нешто му било да го победи својот нов тим.
„Три години првата мисла наутро ми беше како да го победам Јувентус бидејќи Наполи беше најсилниот тим во Италија. Мојата морална должност беше да најдам начин да ги победам, но не успеав. Би го направил повторно тоа, но тоа е спортско ривалство, а професионалноста е нешто друго“, додава Сари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Лунин го однесе Реал во полуфиналето – Европа ќе добие нов шампион
Реал Мадрид го елиминира европскиот првак Манчестер сити во четвртфиналето, во Лигата на шампионите. „Кралскиот клуб“, во Манчестер, го доби пенал рулетот со 4:3, откако во основниот дел и во дополнителните 30 минути натпреварот заврши 1:1. Херој на победата е голманот Луни кој во пенал серијата ги одбрани ударите на Бернардо Силва и Ковачиќ.
Четвртфиналниот реванш на „Етихад“ се движеше во еден смер. Сити напаѓаше во текот на целиот натпревар, Реал во најголемиот дел се бранеше во низок блок, на 20-25 метри од голот.
Намерата на Анчелоти беше јасна да се одбрани својот гол, а према напред да се бара шанса преку контранапади. И таквата определба му донесе гол од првата шанса. Во 12.минута Родриго од втора го совлада Едерсон.
Сити и покрај тоа што напаѓаше не успеа да створи многу чисти шанси. Во првиот дел најдобрата ја пропушти Халанд кога ја погоди гредата.
Притосокот на Сити вроди со плод во 76.минута, кога по ударот на Доку, Ридигер лошо реагираше, а одбиената топка во голот ја смести Де Брујне.
Реал во полуфиналето ќе игра против Баерн Минхен. Втората полуфинална двојка вчера ја формираа ПСЖ и Борусија Дортмунд.
Спорт
(Видео) Баерн преку Арсенал до полуфиналето во ЛШ
Баерн Минхен ќе игра во полуфиналето, во Лигата на шампионите, откако во реваншот го победи Арсенал со 1:0. Првиот натпревар на „Емирати“, во Лондон, заврши 2:2.
Важноста на натпреварот, иницираше тактичка брба од двете страни. Арсенал беа малку поофанзивни во привот дел, Баерн шансите ги бараше преку контранападите. Со исклучок на ударот на Мартинели во првото полувреме немаше ниту една шанса
Баерн беше тој кој прв се закани во вториот дел. Во еден напад два пати се тресеше рамката на голот на Арсенал. Најпрвин Горецка ја погоди гредата,а поттоа Гереиро биеше во стативата.
Арсенал имаа среќа во оваа ситуација, но среќата ги напушти во 64.минута кога центрашутот на Гереиро, Кимих од 11 метри со глава го совлада Раја.
До крајот Тухел со измените што ги направи добро ги затвори приодите кон голот на Ноер и Баерн успеа да ја одбрани победата.
Спорт
МЗТ влезе во полуфиналето во АБА2 лигата
Кошаркарите на МЗТ Скопје Аеродром изборија пласман во полуфиналето на плеј-офот, во АБА 2 лигата. МЗТ загуби од Широки со 70:68 и со +13 влезе во полуфиналето Првиот натпревар во Скопје заврши со победа на МЗТ со 85:69.
На гости кај Широки кошаркарите на МЗТ одиграа лошо прво и одлично втро полувреме. Широки во втората четвртина имаше предност од 15 поени, на полувреме таа изнесуваше 11. Првиот дел со тројка го заклучи Војдан Стојановски.
Во вториот дел играчите на МЗТ ја стигнаа предноста на Широки, имаа водство 65:64 на четири минути до крајот по што беше јасно кој ќе излезе како победник од овој двомеч.
МЗТ на овој натпревар го предводеше Делалиќ со 18 поени, четири скока и две украдени топки, браќата Стојановски постигнаа по 13 коша, имаа по три асистенции, Дамјан имаше осум, а Војдан три скока. Двоцифрен со 10 поени беше и Баковиќ.
МЗТ во полуфиналето ќе игра прптив Спартак.