Спорт
Се огласи Роналдо: Наскоро повторно ќе бидеме заедно
Фудбалерот на Манчестер јунајтед, Кристијано Роналдо се огласи со соопштение на Инстаграм, откако гигантот од „Олд Трафорд“ реши да го остави Португалецот надвор од тимот за саботното дерби против Челзи.
Манчестер јунајтед, во средата, го надигра Тотенхем со 2:0а Кристијано Роналдо го напушти стадионот пред судијата да означи крај на натпреварот, незадоволен што не доби шанса на биде актер на теренот.
„Како што секогаш правев во текот на мојата кариера, се трудам да живеам и да играм со почит кон колегите, противниците и тренерите. Тука ништо не е сменето. Јас не се сменив. Јас сум истата личност и истиот професионалец каков што сум во последните 20 години и играв фудбал на највисоко ниво, а почитта секогаш играше многу важна улога во мојот процес на донесување одлуки.
Почнав многу млад, примерите на постарите и најискусните играчи секогаш ми беа многу важни. Затоа подоцна секогаш се трудев да им дадам пример на младите кои растеа во сите тимови што ги претставував. За жал, тоа не е секогаш возможно и понекогаш „жештината“ знае да надвладее.
Во моментов само чувствувам дека треба да продолжам да работам напорно во Карингтон, да ги поддржувам соиграчите и да бидам подготвен на се на секој натпревар. Препуштањето на притисокот не е опција. Никогаш не било. Ова е Манчестер јунајтед и обединети мора да стоиме. Наскоро повторно ќе бидеме заедно“.
Кристијано Роналдо оваа сезона само двапати стартуваше во Премиер лигата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.