Спорт
Седлоски: Шкупи дојде да покаже што знае на „Максимир“
Македонскиот првак Шкупи вечерва (21 часот) на „Максимир“ ќе го игра првиот натпревар против хрватскиот шампион Динамо Загреб во второто квалификациско коло од Лигата на шампионите. Домаќинот е голем фаворит, но тренерот на Шкупи, Гоце Седлоски, за кого „Максимир“ е како домашен терен со оглед дека во минатото беше играч на хрватскиот клуб, верува дека составот од Чаир ќе прикаже добра игра.
„Дојдовме да покажеме што знаеме. Динамо Загреб е квалитетен тим, играат отворен и офанзивен фудбал, имаат неколку одлични фудбалери, но и ние сме максимално мотивирани да ја оствариме нашата цел. Нема лесно да се прадедеме затоа што сакаме позитивен резултат пред реваншот“, изјави Гоце Седлоски.
Тренерот на Динамо Загреб. Анте Чачиќ, верува дека хрватскиот клуб ќе успее да оствари убедлив триумф.
„Ја прифаќаме фаворитската улога, но несомнено ќе треба да ја потврдиме на теренот. Без да покажеме доминација и да оствариме победа, се би било залудно“, истакна Анте Чачиќ.
Мечот е закажан за 21 часот на „Максимир“, а се очекуваат околу 10.000 фанови, меѓу кои и околу 500 навивачи на Шкупи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Навивачите на Челси бараат клубот да го отпушти Покетино
Лошата сезона на Челзи кулминација доживеа синоќа на „Емирати“. Челси беше прегазен со 5:0 од градскиот ривал Арсенал.
Медиумите, а по нив и навивачите, за дебаклот го обвинија менаџерот Маурисио Покетино.
Револтираните навивачи на „сините“, како што пренесува „Фудбал инсајдер“, бараат аргентинскиот стручњак под итно да добие отказ.
Челси, досега има 13 победи, односно победи во една третина од натпреварите во Премиер лигата, премалку со оглед на вложувањата пред стартот на првенството.
Спорт
Судот одлучува за фантомскиот гол на Јамал? Лапорта ќе поднесе тужба против РФЕФ
Барселона ќе ја тужи Шпанската фудбалска федерација (РФЕФ) поради, како што смета, неправдата на Ел Класико.
Ова значи дека судот треба да пресуди дали топката по ударот на Ламине Јамал ја минала гол-линијата.
Барселона, во неделата, доживеа пораз во Мадрид од Реал (3:2).
Фантомскиот гол на Ламине Јамал се уште е тема на шпанските медиуми, но и ситуација од која не се откажуваат во канцелариите на „Камп Ноу“.
Претседателот на Барселона, Џоан Лапорта фи побара од РЕФЕ снимките од ВАР собата (видео и аудио комуникацијата). п
Федерацијата го одби барањето и соопшти дека нема да направи исклучок за Барселона. Сега Барселона сака да добие дозвола видео-записот да му го предаде судот. Лапорта побара и да се повтори Ел Класико.
Во шпанскиот шампионат нема гол-технологија, а ВАР сметаше дека топката не ја минала линијата со полн волумен.
Спорт
Капитенот реши да си замине од Атлетик Билбао
Икер Муниаин реши да го напушти својот Атлетик Билбао на крајот од сезоната.
Легендарниот офанзивец по освојувањето на Купот на кралот сфати дека тоа е најдобриот момент да се збогува со својот сакан клуб, по цели 20 години.
Муниаин е секако дете на клубот, а во академијата на Атлетико пристигна како 11-годишник и ќе замине втор на листата на одиграни натпревари, досега 557, но нема да го престигне недопирливиот Ќоп Ирибара, кој одигра 614.
Но, Муниан реши да си замине во вистински момент, има 31 година, конечно го освои Копа дел Реј, претходно Суперкупот на Шпанија во 2015 и 2021 година.
Нема намера да остане во Шпанија, голема е веројатноста да ја напушти и Европа, иако се уште нема донесено конечна одлука за тоа.
Својата одлука Муниаин веќе им ја соопштил на соиграчите и раководството на клубот, за до крајот на сезоната достојно да се збогуваат од навивачите и од „Сан Мамеш“.
Инаку, Муниан дебитираше за првиот тим уште на 30 јули 2009 година против Јанг Бојс и постигна 75 гола за Атлетик.
Погледнете го неговото емотивно видео кое го најавува неговото заминување од Атлетик Билбао…