Спорт
Селтикси расипаа уште една одлична вечер за Јокиќ
Никола Јокиќ повторно блесна со својот 15. трипл-дабл учинок оваа сезона, но неговите Денвер нагетс не успеаја да ја прекинат победичката серија на Бостон селтикс, кои завршија со 108:102 победа, нивна седма во низа.
Џејсон Тејтум имаше 24 поени, Маркус Смарт додаде 22 поени, 2 украдени топки и ги постигна двете клучни слободни фрлања за седма победа во низа, Дерик Вајт имаше 15 поени, 6 скока и 2 асистенции во своето деби по трејдот од Сан Антонио спарс.
Селтикси расипаа уште една голема ноќ на Никола Јокиќ, кој го забелеша својот 71. трипл-дабл во кариерата со 23 поени, 16 скока и 11 асистенции, но на крајот клучно за поразот на Нагетси беше тоа што имаа дури 21 загубена топка.
„Тоа ни се случува секоја вечер. Некогаш сме подобри, некогаш полоши, но со толку загубени топки се поставивме во лоша ситуација“, вели Јокиќ.
Денвер имаа 11 поени предност во првата четвртина и 9 поени на полувреме, но во второто полувреме домаќините се покажаа пресилни.
НБА РЕЗУЛТАТИ
Детроит – Шарлот 119:141
Индијана – Кливленд 113:120
Филаделфија – Оклахома 100:87
Атланта – Сан Антонио 121:136
Бостон – Денвер 108:102
Чикаго – Минесота 134:122
Јута – Орландо 114:99
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Заврши сезоната за Енцо Фернандес
Играчот од средниот ред на Челзи, Енцо Фернандес, ја заврши сезоната, бидејќи наскоро ќе мора да оди на операција на препоните, пишува аргентинскиот весник „Оле“. Според овој извор на Фернадес ќе му бидат потребни неколку недели за рехабилитација.
Поранешниот фудбалер на Ривер Плејт и Бенфика, извесно време се жалеше на болки, но сепак играше. Постоеше опција лекувањето да се одложи до лето, но по консултација со лекарите на Челзи и аргентинската репрезентација тој одлучи веднаш да биде опериран.
Планот е Фернандес да има доволно време целосно да се опорави за претстојната Копа Америка која започнува на 20 јуни.
Светскиот шампион пристигна на „Стемфорд Бриџ“ од Лисабон во јануари 2023 година во трансфер вреден 121 милион евра. Неговите настапи оваа сезона, сепак, се во склад со перформансите на повеќето играчи на Челзи – неубедливи и нестабилни.
Енцо оваа сезона одигра 40 од 45 натпревари за „сините“.
Спорт
Ла Лига од следната година ќе се игра во САД
Претседателот на шпанската Ла Лига, Хавиер Тебас, даде неколку интересни коментари во интервју за „Експансион“. Тамошната јавност најмногу ја коментира изјавата во која тој отворено призна дека навива за Реал Мадрид. Овој факт е познат одамна, но сега за прв пат е и јавно потврден. Тебас го откри овој детал коментирајќи ја приказната за доаѓањето на Килијан Мбапе во Реал.
Сепак, претседателот на една од најдобрите светски лиги донесе и по малку шокантна вест за сите љубители на традиционалниот фудбал. Имено, од сезоната 2025/26, некои натпревари од Ла Лига ќе се играат во Соединетите Американски Држави.
Тоа значи дека веќе следната година би можеле да го видиме првиот натпревар од шпанското првенство на американска почва.
„САД е втор најголем пазар за нас, веднаш по Шпанија. Тоа ќе ја зајакне нашата позиција таму. Другите европски лиги веќе работат таму и немаме избор, во спротивно ќе не избришат“, рече Тебас.
Инаку, уште во 2018 година имаше предлог да се игра каталонското дерби меѓу Барселона и Џирона во САД, но УЕФА го блокираше тој потег.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.