Италијанскиот мотоциклист Лука Салвадори им подлегна на повредите здобиени во несреќа за време на улична трка, соопшти неговиот тим.

„Со бескрајна тага ја објавуваме загубата на нашиот Лук Салвадори. По несреќата на патеката Фрохбург, поради повеќекратните повреди со кои се здоби, не можеше да се бори и не’ напушти. Нашето најдлабоко сочувство го изразуваме до членовите на неговото семејство“ –  тимот на Лука Салвадори.

Салвадори почна со улични трки по престојот во МотоЕ шампионатот. Тој беше натпреварувач и во италијанскиот супербајк шампионат, а остана познат и на социјалните мрежи, бидејќи на „Инстаграм“ имаше 415.000 следбеници, додека на својот канал на Јутјуб има 583.000 претплатници.

Фудбалерите на Реал Мадрид уште еднаш победија, но не блескаа на гостувањето кај Реал Сосиедад.

Кралскиот клуб до новите три бода во новата сезона стигна по головите од пенал. Првиот во гол го претвори Винисиис Жуниор а вториот Килијан Мбапе.

Натпреварот го одбележа Бразилецот, кој уште еднаш влезе во конфликт со навивачите на Сосиедад, кои неколкупати го навредуваа од трибините, а тој не им остана должен.

За ова проговори поранешниот фудбалер на Реал, Предраг Мијатовиќ, кој имаше што да му каже на младиот Бразилец.

„Тој фрла камења на покривот на сопствената куќа. Ја затрупува. И сето тоа иако е свесен за целата атмосфера околу него. Треба да се смири малку“, отворено изјави Мијатовиќ.

Легендарниот фудбалер на Реал е свесен дека во некои ситуации самиот Винисис е виновен за се што му се случува.

„Сите сме среќни поради голот, но тој веднаш не разочара со начинот на кој славеше. Што прави сето ова за него? Тој си прави лоша услуга. Секојдневно разговарам со многу навивачи на Реал и на сите им пречи неговото однесување“, заклучува Мијатовиќ.

По речиси два месеци Лионел Меси се врати на теренот и веднаш покажа зошто е еден од најдобрите светски фудбалери.

Тој постигна два гола за неговиот тим Интер Мајами во победата од 3-1 против Филаделфија.

Во паузата меѓу два натпревари во МЛС лигата, Меси играше на Копа Америка, каде успеа да го одбрани трофејот и таму се здоби со повреда поради која два месеци остана надвор од теренот.

LIONEL MESSI GOAL!pic.twitter.com/pcfe3gqpZp

— Roy Nemer (@RoyNemer) September 15, 2024

Натпреварот не започна најдобро за Меси и неговите соиграчи, бидејќи Филаделфија поведе во втората минута преку Уреа.

Но, тогаш на сцената се појави легендарниот Аргентинец кој го постигна првиот гол во 26. минута на додавање на Луис Суарез, а само неколку минути подоцна на асистенција на Џорди Алба го смени исходот на натпреварот.

На крајот победата за Интер ја потврди Луис Суарез, кој во судиското надополнување на вториот дел го постави конечниот резултат на додавањето на Меси.