Спорт
Сер Алекс се враќа во Јунајтед на официјална позиција!
Сер Алекс Фергусон се враќа во Манчестер јунајтед на официјална позиција, откако извршниот директор на клубот, Ричард Арнолд формираше посебен тинк-тенк во кој ќе учествуваат и поранешниот капитен Брајан Робсон, како и поранешниот генерален директор, Дејвид Гил, јавува „Дејли мејл“.
Ова било договорено на ручекот во Керингтон, кој случајно се поклопил со враќањето на Кристијано Роналдо во тимот за преговори, и ќе му даде на легендарниот Ферги најголемо влијание во клубот кој го водеше до најголемите успеси во историјата. 80-годишниот Фергусон и Гил останаа во бордот на директори по заминувањето од клубот во 2013 година, но тоа беше само симболична позиција, додека главните одлуки ги носеше поранешниот директор Ед Вудворд.
Арнолд, кој го наследи Вудворд во февруари, реши да побара помош од луѓето со огромно искуство – Фергусон беше 26 години во Јунајтед освојувајќи 38 трофеи, а 64-годишниот Гил помина 16 години како извршен директор.
EXCLUSIVE: Sir Alex Ferguson is BACK at Man United! Richard Arnold hands iconic boss a formal role in helping with all aspects of the club | @ChrisWheelerDM https://t.co/10pRK2hCVO pic.twitter.com/goHzqctEjU
— MailOnline Sport (@MailSport) July 29, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…
Спорт
Рома преговара за трансферот на Киеза
Тренерот на Рома, Даниеле Де Роси, кој го продолжи договорот со клубот, е голем фан на фудбалерот на Јувентус, Федерико Киеза. Де Роси не кри дека би сакал да го има во својот тим крилниот напаѓач.
Де Роси работеше со него додека му беше асистент на Роберто Манчини во италијанската репрезентација.
Договорот на Киеза со Јувентус истекува во јуни 2025 година, што значи дека ова лето влегува во последната година од истиот.
Тоа значи дека ова лето е веројатно последна шанса клубот да заработи нешто од неговата продажба.
Свесни за ова, челниците на Рома веќе закажале состанок со неговиот менаџер Фали Рамадани.
Покрај Рома, интерес за Киеза покажува и Њукасл.