Спорт
Серена се повлече од Мајами, Федерер едвај против молдавскиот аутсајдер
Серена Вилијамс се повлече од Мајами опен поради повреда на левото колено, додека светската тенисерка број 1, Наоми Осака доживеа уште еден неочекуван пораз, овојпат од Тајванката Хсиех Су-Веи во третото коло.
Вилијамс требаше да игра со 18. носителка, Кинеската Ванг Кијанг, но 37-годишната ветеранка втор турнир едноподруго се повлекува, откако во Индијан Велс не го заврши мечот од третото коло против Гарбиње Мугуруза.
„Се надевам дека ќе се вратам следната година на овој уникатен турнир“, напиша Вилијамс во соопштението.
Осака, пак, загуби со 4:6/7:6(4)/6:3 од Хсиех, за првпат во 64 меча да загуби откако го освојуваше првиот сет. Осака како светска тенисерка број 1 има скор од 3-3, и може да го загуби првото место од Петра Квитова следната недела, која со 6:4/3:6/6:4 извлече победа над Дона Векиќ.
И Роџер Федерер имаше тешка задача, откако го загуби првиот сет од Молдавецот Раду Албот, пред да го победи со 4:6/7:5/6:3 и да се пласира во третото коло на турнирот. Светскиот број 5 од Швајцарија мораше да се бори против 29-годишниот квалификант, кој ја искористи првата брејк-шанса и стигна до водство во првиот сет.
Сепак, искуството потоа го направи своето и Федерер ја запечати победата по 2 часа и 10 минути игра. Турнирот во Мајами оваа година првпат се игра на „Хард Рок стадионот“ наместо на тениските терени на Ки Бискејн и Федерер признава дека чувството е поинакво.
„Беше многу различно, и имав среќа што сум во следното коло. Некако најдов начин“, вели Федерер, кој сега игра со Србинот Филип Крајиновиќ, кој со 5:7/6:2/7:6(5) го победи сонародникот на Федерер, Стен Вавринка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА ќе го разгледа предлогот секој тим да има по 26 фудбалери на ЕП
Европската фудбалска унија (УЕФА) ќе разговара за можноста за проширување на бројот на играчи за претстојното ЕП 2024 во Германија на состанок следниот месец.
Според актуелните правила, секоја репрезентација може да има по 23 пријавени фудбалери на ЕП. Српскиот селектор, Драган Стојковиќ Пикси, предложи, секоја селектор да може да пријави 26 играчи. Овој предлог доби поддршка од селекторите на 24 репрезентации кои ќе учествуваат на континеталниот шампионат.
„Добивме неколку пораки од селекторите на репрезентациите во врска со бројот на играчи ЕП 2024. Работната група на УЕФА и претставниците на репрезентациите учесници ќе ги разгледаат предлозите на селекторите на 8 април и ќе ги проучиме сите можни решенија и идеи“, најавија од УЕФА.
На последното ЕП во 2021 година, поради епидемијата на коронавирус, секоја репрезентација имаше 26 фудбалери.
Спорт
Колку заработи Иванишевиќ од соработката со Ѓоковиќ?
Прекинот на соработката меѓу Новак Ѓоковиќ и Горан Иванишевиќ е топ тема кај регионалната спортска јавност.
Ниту една страна не ги откри точните причини за разделбата, освен што Ѓоковиќ изјави дека „достигнале точка на заситеност“.
Ѓоковиќ најверојатно пукна по лошиот почеток на сезоната во која се уште нема освоено трофеј, пред најважните турнири во годината, додека Хрватите пишуваат дека, без разлика на се, Иванишевиќ добро заработил од оваа соработка.
Соработката на ова дуо траеше речиси шест години, во кои Ѓоковиќ освои 12 грен слем титули.
Наводно, Ѓоковиќ му плаќал на Иванишевиќ од 6.000 до 10.000 евра неделно, односно легендарниот Хрват добивал 10 отсто премија од заработката на српскиот тенисер на турнирите.
Иванишевиќ заработил повеќе од 300.000 евра само од плата минатата година.
Ако ја земеме таа бројка како просечна заработка на Иванишевиќ за време на соработката со Ѓоковиќ и процентот од освоените турнири, Иванишевиќ во последните шест години како тренер на најдобриот тенисер во светот заработил помеѓу два и четири милиони евра.
Инаку, Иванишевиќ во кариерата како активен играч заработи околу 16 милиони евра. Кариерата во која освои еден грен слем (Вимблдон), Иванишевиќ ја заврши во 2011 година.
Спорт
Калафиори: Татко ми го презира Јувентус, а јас го почитувам татко ми
Јувентус бара нови играчи во одбраната, откако е извесно дека Бремер ќе се пресели во Манчестер јунајтед.
Еден од можните наследници на Бразилецот е фудбалерот на Болоња, 21-годишниот Рикардо Калафиори. Барем така сметаат во клубот, бидејќи фудбалерот не е ни најмалку импресиониран од интересот што за него го покажа славниот италијански клуб.
Играчот чија вредност според „Трансфермаркт“, скокна од пет милиони евра на 25 милиони евра од октомври минатата година е под договор со Болоња до летото 2027 година.
Калафиори вели дека сака да го испочитува договорот што го има со актуелниот клуб отколку да се пресели во Јувентус.
„За мене Јувентус би бил чекор назад во споредба со Болоња, клуб кој работи на вистински начин. Попрво би останал овде отколку да го облечам дресот на Јувентус. Татко ми го презира Јувентус, а јас го почитувам татко ми. Нема пари за кои јас би отишол таму“, изјави Калафиори.