Спорт
Серхи Роберто: Во Барселона го чекаме Меси со раширени раце
Играчот од средниот ред на Барселона, Серхи Роберто, беше меѓу главните актери и се истакна со гол во победата на каталонскиот тим над Реал Мадрид од 2:1 во синоќешното „Ел Класико“. Со оваа победа Каталонците во голема мера ја обезбедија шампионската титула, со оглед дека имаат 12 бода предност со исто толку натпревари до крајот на шампионатот.
По средбата, Серхи Роберто коментираше и за една од темите кои повторно креваат огромна врева во последните недели, за можното враќање на Лионел Меси на „Камп Ноу“. Тој изјави дека сите играчи сакаат тоа да се случи и се нетрпеливи за таков развој на ситуацијата, а односот на ПСЖ кон Меси е неправеден.
„Дали сме подготвени да го дочекаме враќањето на Меси? Со раширени раце. Кој не би очекувал да се врати? Но, на крајот на денот не сакам да зборувам премногу бидејќи тоа е нешто што треба да го решат тренерот и претседателот на клубот. Сепак, ние го играчите би го пречекале со раширени раце. Начинот на кој се однесуваат кон него во ПСЖ е неразбирлив за мене. Има добра сезона, постигна многу голови, многу асистенции, но сега го обвинуваат затоа што испаднале од Лигата на шампионите? Остава горчлив вкус во устата дека играч од вакво ниво може да биде третиран на таков начин“, изјави Серхи Роберто по натпреварот.
Огромен проблем за евентуалното враќање на Меси во Барселона остануваат финансиските проблеми на Каталонците кои се далеку од решени. Тие сериозно ја надминале границата на платите и според финансискиот фер-плеј треба да го намалат бузетот за околу 200 милиони во наредните месеци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.