Спорт
Серхио Рамос сам си направи интервју за проблемите во Реал
Капитенот на Реал Мадрид, Серхио Рамос реши самиот да си направи интервју и на социјалните мрежи да ги објави сите детали околу катастрофалната сезона и наводните пресметки со директорот на тимот, Флорентино Перез, снимањето на документарец во соблекувалните, и конфликтот со Марсело.
„Како фудбалери, сакаме нашето да го кажуваме на теренот, но оваа сезона не се покажува како таква. Последните настап беа катастрофални и не го кријам тоа. Не го криеме тоа. Ние фудбалерите сме први одговорни за тоа, а јас како капитен, уште повеќе од останатите. Затоа мислев дека најискрен начин е да се одговори на прашањата кои се појавија“, почнува Рамос во долгото авто-интервју.
Околку конфликтот со Перез, Рамос вели дека проблемите во соблекувалната се решаваат таму.
„Нема проблем и сите имаат ист интерес – Реал Мадрид. Со Марсело имаме разговори при секоја тренинг-сесија. Тоа е дел од работата под притисок. Но, тоа е анегдота која може да се случи било кога. За мене, Марсело е како брат“, додава Рамос.
Тој исто така признава дека намерниот жолтиот картон кој го доби во Амстердам во мечот од ЛШ бил апсолутна грешка, откако на реваншот на „Бернабеу“ Ајакс ги победи со 4:1, а за документарецот кој го снимал во текот на тој меч вели дека имал „одредени обврски“ со договорите кои ги потпишал.
Рамос, за кого првпат по подолго време се шпекулира дека може да замине од Реал, го завршува постот со проблемите кои се соочува тимот оваа сезона, но вели дека изградбата на нов Реал мора да продолжи.
„Овие зборови се, секако, резултат на разочарувачка сезона, но ако успехот не не сопре, нема да дозволиме ниту поразот да го направи истото. Наша обврска е да одиме напред, да работиме и да се потсетиме дека имаме среќа што играме за Реал Мадрид. Ниту едно име не ја гради легендата на Реал Мадрид“, додава Рамос.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ливерпул замената за Клоп ја најде во Лисабон
Откако Јирген Клоп јавно објави дека на крајот од сезоната ќе ја напушти клупата на Ливерпул и ќе замине на долг одмор, фудбалска јавност шпекулира кој ќе биде новиот тренер на „црвените“.
Како очигледен избор се истакна поранешниот играч на Ливерпул, Чаби Алонсо (42). Неговиот Баер Леверкузен игра неверојатно добар фудбал оваа сезона. Статистиката на германскиот тим е 38 натпревари без пораз во сите натпреварувања, со 109 постигнати голови.
Извесно е дека Чаби Алонсо ќе им ја донесе на „фармацевтите“ првата шампионска титула во клупската историја, со која ќе ја прекинат единаесетгодишната доминација на Баерн.
Сепак, од релевантни извори во Германија доаѓаат информации дека Алонсо ова лето нема да го напушти Леверкузен, а доколку реши да замине од Баер, ќе остане во Германија и ќе се се пресели во Минхен.
„Скај Спортс“, пишува дека Ливерпул покажал сериозен интерес за Португалецот Рубен Аморим (39), тренер кој четири години е на клупата на Спортинг, а претходно беше тренер на Брага. Тој користи систем со три стопери исто како и Алонсо, а неговиот напаѓачки стил на игра му донесе титула на Спортинг во првата сезона на Аморим.
Спорт
УЕФА ќе го разгледа предлогот секој тим да има по 26 фудбалери на ЕП
Европската фудбалска унија (УЕФА) ќе разговара за можноста за проширување на бројот на играчи за претстојното ЕП 2024 во Германија на состанок следниот месец.
Според актуелните правила, секоја репрезентација може да има по 23 пријавени фудбалери на ЕП. Српскиот селектор, Драган Стојковиќ Пикси, предложи, секоја селектор да може да пријави 26 играчи. Овој предлог доби поддршка од селекторите на 24 репрезентации кои ќе учествуваат на континеталниот шампионат.
„Добивме неколку пораки од селекторите на репрезентациите во врска со бројот на играчи ЕП 2024. Работната група на УЕФА и претставниците на репрезентациите учесници ќе ги разгледаат предлозите на селекторите на 8 април и ќе ги проучиме сите можни решенија и идеи“, најавија од УЕФА.
На последното ЕП во 2021 година, поради епидемијата на коронавирус, секоја репрезентација имаше 26 фудбалери.
Спорт
Колку заработи Иванишевиќ од соработката со Ѓоковиќ?
Прекинот на соработката меѓу Новак Ѓоковиќ и Горан Иванишевиќ е топ тема кај регионалната спортска јавност.
Ниту една страна не ги откри точните причини за разделбата, освен што Ѓоковиќ изјави дека „достигнале точка на заситеност“.
Ѓоковиќ најверојатно пукна по лошиот почеток на сезоната во која се уште нема освоено трофеј, пред најважните турнири во годината, додека Хрватите пишуваат дека, без разлика на се, Иванишевиќ добро заработил од оваа соработка.
Соработката на ова дуо траеше речиси шест години, во кои Ѓоковиќ освои 12 грен слем титули.
Наводно, Ѓоковиќ му плаќал на Иванишевиќ од 6.000 до 10.000 евра неделно, односно легендарниот Хрват добивал 10 отсто премија од заработката на српскиот тенисер на турнирите.
Иванишевиќ заработил повеќе од 300.000 евра само од плата минатата година.
Ако ја земеме таа бројка како просечна заработка на Иванишевиќ за време на соработката со Ѓоковиќ и процентот од освоените турнири, Иванишевиќ во последните шест години како тренер на најдобриот тенисер во светот заработил помеѓу два и четири милиони евра.
Инаку, Иванишевиќ во кариерата како активен играч заработи околу 16 милиони евра. Кариерата во која освои еден грен слем (Вимблдон), Иванишевиќ ја заврши во 2011 година.