Спорт
Шервуд: За 18 месеци, Кристијано Роналдо ќе биде менаџер на Јунајтед
Поранешниот фудбалер на Тотенхем, Тим Шервуд, смета дека е сосема возможо во следните 18 месеци Кристијано Роналдо да го замени Оле Гунар Солскјер како менаџер на клубот, бидејќи има доволно познавање на фудбалот.
36-годишниот Роналдо беше критикуван од Рио Фердинанд за тоа што се обидуваше да се расправа со судиите при 1:2 поразот од Јанг бојс во Лигата на шампиони, бидејќи сметаше дека тоа е работа за менаџерот. Шервуд гледа на ситуацијата поинаку.
„Мислам дека е океј што Роналдо е на линијата за тренери и Оле ќе мора да го прифати тоа. Ако донесеш такво име во својот клуб, треба да знаеш со што се соочуваш. Ова е сосема поинаков Роналдо од тој кој беше на ‘Олд Трафорд’ првиот пат. Знае што е потребно во секој момент на натпреварот и ако смета дека треба да стои до менаџерот и да дава инструкции, тогаш мора да му го дозволат тоа. Не сум сигурен дека ќе го правеше истото под Жозе Мурињо. Го видовме како го прави со Португалија во нивните мечеви, така што е јасно дека ќе биде тренер во иднина. Би се обложил дека ќе стане менаџер на Манчестер јунајтед во следните 18 месеци. Кога ќе престане со фудбалот, тој ќе биде тренер и секако ќе биде прв избор на Јунајтед. Ако освојат Премиер лига, Лига на шампиони, ФА куп, некој од тие трофеи, тогаш Солскјер ќе остане, но ако не освојат ништо имаат менаџер во својот тим. Ќе донесе некој искусен тренер со него, како Карлос Кеироз и ќе функционира подобро“, вели поранешниот играч и менаџер на Тотенхем.
Five years ago today, Cristiano Ronaldo went full-on coach mode to help Portugal win EURO 2016 ?
(?: @EURO2020)pic.twitter.com/xbcANoqJAX
— B/R Football (@brfootball) July 10, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Атлетико и ништо друго – Коке ќе потпише нов договор
Хорхе Ресуресион Меродио, во светот на фудбалот познат како Коке, ќе потпише нов договор со Атлетико Мадрид. Коке е продукт на фудбалската акедемија на „јорганџиите“, а за првиот тим настапува од 2011 година. Ова е само уште еден доказ за љубовта на 32-годишникот кон клубот, што во денешниот фудбал е вистинска реткост.
Атлетико и Коке ќе ја искористат репрезентативната пауза за да потпишат нов договор. Допарва ќе решат дали Коке ќе потпише на една или две сезони. Желбата на фудбалерот е да добие нов двегодишен договор.
Коке е апсолутен рекордер според бројот на одигран натпревари за Атлетико. Досега во кариерата дресот на „јорганџиите“ го носел на 625 натпревари. За Шпанија има одиграно 70 натпревари.
Спорт
Ненадејно почина момчето на Арина Сабаленка
Константин Колцов, поранешен белоруски хокеар, ненадејно почина на 43-годишна возраст. Колцов поранешен играч на НХЛ, а последните две и пол години беше во врска со Арина Сабаленко. Колцов бил пронајден мртов во Мајами. Тој ја придружувал својата девојка на американската турнеја.
„Со длабоко жалење ве известуваме дека почина тренерот на Салават Јулаев, Константин Колцов. Тој беше силна и весела личност, сакана и почитувана од играчите, соиграчите и навивачите“, соопшти Салават Јулаев, клубот во кој работеше како тренер.
Сабаленка е втората тенисерка во светот. Колцов ја бодреше од трибините во јануари кога таа ја одбрани титулата на Австралија опен.
Сабаленка последниот меч го одигра пред шест дена во Индијан Велс, кога беше поразена од Американката Ема Наваро. Оваа недела таа треба да настапи на Мастерсот во Мајами, но сигурно е дека ќе се повлече од турнирот.
Спорт
(Видео) Лејкерси ја декласираа Атланта
Лос Анџелес Лејкерси изминатата ноќ ја декласираа Атланта со 136:105. „Езерциите“ до победата ги предводеа Леброн Џејмс и ДиАнџело Расел кои заедно имаа 52 поени, 20 асистенции и 11 скокови.
Лејкерси од стартот ја презедоа контролата, играа добро во одбраната, водеа на полувреме со 14 поени, а во вториот дел го декласираа противникот.
Во редовите на Лејкерси, ДеАнџело Расел постигна 27 поени со четири скока и десет асистенции, Леброн Џејмс додаде 25 со седум скока и десет асистенции.
Ентони Дејвис мечот го заврши со 22 поени со 15 скока и шест асистенции, додека Руи Хачимура додаде 17 поени.
Кај Хокс, кои играа без најдобриот играч Тре Јанг, Џејлен Џонсон беше најефикасен со 25 поени со девет скока и четири асистенции. Српскиот репрезентативец Богдан Богдановиќ постигна 17 поени, Дежонте Мареј додаде 13, а Вит Крејчи 11 поени, исто колку и Ониека Оконгву.
Резултати:
Индијана – Кливленд 103:108
/Сиакам 19 – Ален и Леверт по 23/
Бостон – Детроит 119:94
/Браун 31 – Ајви 21/
Филаделфија – Мајами 98:91
/Макси 30 – Адебајо и Розир по 20/
Чикаго – Портланд 110:107
/Дерозан 28 – Симонс 30/
Јута – Минесота 104:114
/Секстон 24 – Едвардс 32/
Голден Стејт – Њујорк 112:119
/Кари 27 – Бренсон 34/
Сакраменто – Мемфис 121:111 п
/Монк 28, Џексон 25/