Спорт
Шеста титула за Луис Хамилтон, пред него е само Шуми!
Луис Хамилтон по шести пат ја освои светската титула во Формула 1, запишувајќи се во историјата на спортот како еден од најдобрите возачи, и заедно со Мерцедес, следната сезона ќе атакува на рекордот кој се сметаше дека е недостижен – седумте светски титули на Михаел Шумахер.
Хамилтон ја загуби битката со својот колега и освојувачот на пол-позицијата на Патеката на Америките во Остин, Тексас, откако гумите не му изддржаа до крај, меѓутоа и второто место беше доволно да се потврди неговата шеста титула (за тоа му беше доволно и осмо место). Макс Ферстапен, возачот на Ред бул, со кого имаа вербална расправија последните неколку денови во последниот круг беше блиску до Хамилтон, но на крајот се задоволи со третото место.
„Хаварија“ од трка имаше Себастијан Фетел во Ферари, откако прво имаше катастрофален старт и падна на седмото место, а потоа при едно пресилно влегување на шиканата, ја скрши суспензијата на болидот и се откажа. Неговиот колега Шарл Леклер беше четврти, а во поени беа и Александер Албон (Торо росо), Даниел Рикардо (Рено), Лендо Норис (Мекларен), Карлос Саинс (Мекларен), Нико Хилкенберг (Рено) и Данил Квјат (Торо росо).
Хамилтон израсна во скромни услови во градчето Стивиниџ, пред неговиот талент зад воланот да го забележи поранешниот прв човек на Мекларен, Рон Денис, кој му даде стипендија уште на 10 години, уште еднаш покажа дека е еден од најдоминантните возачи во својата генерација. Секогаш брилијантен во квалификациски круг, секогаш умен на патеката со минимални грешки и со целосна посветеност и покрај тоа што големиот дел од својот живот го поминува фокусирајќи се на работи кои немаат врска со Ф1 (мода, музика, екологија).
Критичарите ќе речат дека Хамилтон бил на вистинско место во вистинско време, бидејќи тој и Мерцедес доминираат во сегашната турбо-хибридна ера на спортот, освојуваќи пет од шесте титули во последните шест години, но нели беше ист случај и со Шумахер, кој пет од своите титули освои со тогаш доминантниот Ферари.
Дури и Себастијан Фетел, човекот со четири светски титули (од 2010 до 2013), кој во последните години му е најблизок ривал на Хамилтон, признава дека е тешко да се најде „забелешка“ на неговиот успех.
„Како би можеле да размислуваме поинаку? За мене е сосема јасно, тој е еден од најдобрите во историјата. Тука е долго време и има толку многу победи. По Михаел, неговото име е следно“, изјави пред трката во Америка Фетел.
“Still we rise guys, still we rise”
“Thank you so much, guys – we did an incredible job… I can’t believe it”
An emotional @LewisHamilton – champion of the world for a sixth time #USGP ?? #F1 pic.twitter.com/PPb9L2oryL
— Formula 1 (@F1) November 3, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
“Робињо и Алвеш? Некој да и го направеше тоа на мојата ќерка, сега немаше да дадвам интервју”
Робињо (40) и Дани Алвеш (40), некогаш фудбалски ѕвезди, сега се осудени силувачи.
Робињо кого на почетокот на кариерата, Бразилците го прогласија за наследник на Пеле, играше за Сантос, Реал, Манчестер сити, Милан. За бразилската репрезентација одигра 100 натпревари. Тој мора да отслужи деветгодишна затворска казна за брутално групно силување на 22-годишна девојка.
Исто така, Дани Алвеш (40), еден од најтрофејните фудбалери во историјата, пред два месеци беше правосилно осуден на 4,5 години затвор за силување девојка во ноќен клуб во Барселона во декември 2022 година. Но, пред два дена беше ослободен откако во затвор помина 14 месеци. За да излезе на слобода тој плати кауција од 1.000.000 евра.
Фелипе Мело, поранешен репрезентативец на Бразил, кој ја делеше соблекувалната со двајцата играчи, го коментираше тој случај за бразилскиот „Глобо Еспорте“.
„Никој нема право да зборува на оваа тема, но не гледам проблем сега да дадам свој коментир. Имам 15-годишна ќерка. Нејзе да и се случеше ова, јас немаше сега да бидам овде и да го давам ова интервју. Човечко суштество треба да се почитува, било да е машко или женско“, рече Мело.
Спорт
Шчесни: Изборивме место на ЕП, во спротивно ќе се повлечев од репрезентацијата
Полскиот голман Војчех Шчесни изјави дека ќе се пензионирал од националниот тим доколку неговата репрезентација не се пласирала на Европското фудбалско првенство.
Во вторникот вечерта, на натпреварот меѓу Полска и Велс во Кардиф, по 120 минути игра немаше голови, па победникот беше решен по изведувањето на пенали. Шчесни ја однесе ПОлска на Европското првенство откако го одбрани пеналот на Ден Џејмс во петтата серија.
„Нема психологија, ги анализирав изведувачите на пенали, што не направи разлика, бидејќи сите почнаа да шутираат во средината, а никој од нив претходно не шутирал така“, изјави голманот на Јувентус, пренесуваат италијанските медиуми.
Полска на пенали го победи Велс со 5:4.
„Кога ќе дојде до решавачкиот пенал, тогаш притисокот е врз изведувачот, а не врз голманот. Има огромен притисок врз играчот при изведувањето на решавачкиот пенал, мислам дека овој пат беше на Џејмс“, изјави Шчесни.
За голманот на Полска ова ќе биде четврто последователно Европско првенство на кое настапува, а досега во дресот на националниот тим се појавил 81 пат.
Европското првенство ќе се одржи од 14 јуни до 14 јули во Германија, а Полска е во групата Д со Холандија, Австрија и Франција.
Спорт
(Видео) Пораз на Денвер во Феникс – Дурент го запре Јокиќ
Три тима, во финишот на регуларниот дел од сезоната, се борат за првата позиција во Западната конференција, во НБА лигата. Изминатата ноќ Минесота забележа победа, додека Денвер и Оклахома беа поразени од Феникс односно Хјустон.
Актуелните шампиони Денвер Нагетс, без Џамал Мареј и со повредениот Никола Јокиќ, забележаа пораз во Феникс 104:97. Денвер немаа решение за Кевин Дурент кој постигна 30 поени, 13 скока, три асистенции и пет блокади.
Јокиќ мечот го заврши со 22 поени, девет скока и 10 асистенции, по 18 поени постигнаа Ареон Гордон и Мајкл Портер.
Оклахома загуби на домашен терен од Хјустон со 132:126.
Хјустон го предводеа Џејлен Грин со 37 поени (14-24 од поле), 10 скока и 7 асистенции, Ајмен Томпсон додаде 25 поени и 15 скока.
Кај Тандер најдобар беше Џош Гиди со 31 поен (12-20 од поле, 7ск, 4ст), Џејлен Вилијамс имаше 23 поени (9-23 од поле) и 10 асистенции.
Во битката за првото место на Западот, Минесота го совлада Детроит со 106:91. Најефикасни беа Наз Рид (21п, 10ск) и Џејден МекДаниелс (20п, 4ск).
Денвер има 51 победа и 22 порази. Оклахома и Минесота имаат скор 50 победи и 22 порази.