Спорт
ШК Алкалоид славеше со играчите – пехарите за Николовски и Георгие
Полувековниот јубилеј клубот ШК Алкалоид го одбележа овој викенд со организација на шаховски фестивал, во чии рамки се одиграа два турнира – во забрзан и во брзопотезен шах – а на кој имаше играчи од десет европски земји.
Отворањето беше збогатено со мала церемонија, на која низ поздравен говор беше потсетено дека овој клуб има 27 титули од 33 одиграни првенства во независна Македонија, како и една титула европски клупски шампион, а трипати бил и европски вицепрвак. Легендарниот македонски ракометар Кире Лазаров, кој и самиот беше клупски првак со Барселона, го повлече почесниот прв потег на турнирот во забрзан шах.
Речиси 200 играчи настапија на турнирот во забрзан шах, на кој секој играч имаше на располагање време од 10 минути за размислување, плус пет секунди за потег, а победничкиот трофеј го подигна велемајсторот Кирил Георгиев, кој ја предводеше групата играчи на врвот со 9 бода од 11 партии. ВМ Георгиев е поранешен член на ШК Алкалоид и поранешна прва табла на македонската репрезентација, а на овој турнир стигна до првото место без пораз, со седум победи и четири реми. Во последното коло, во мечот кој одлучуваше за победникот, тој го совлада изненадувањето на турнирот Матео Ефтовски од младинскиот тим ШК Мулти Есенс, кој остана на 8 бода и ја одложи сензацијата за некој иден турнир.
Второто и третото место ги освоија ИМ Христос Кралис од Грција и ИМ Ндерим Сарачи од Косово.
Предводник на групата играчи со 8,5 бода е ИМ Дејан Стојановски, кој исто како и на Европското првенство во рапид во Скопје во 2024 година беше најдобар од играчите кои настапуваат под македонското знаме, без пораз на турнирот! Зад него се ФМ Антон Златков, ФМ Лампрос Џаноулакис (Грција) и ИМ Сашо Николов (Бугарија). Зад нив, на делба од 8. до 16. место, беа играчите со по 8 бода, меѓу кои и ВМ Драган Јаќимовиќ, ИМ Филип Панчевски и Матео Ефтовски (кој ја освои специјалната награда за втор најдобропласиран играч во конкуренција, со рејтинг под 2.200 поени).
И во специјалните категории имаше освојувачи на награди од младинците на ШК Алкалоид и на ШК Мулти Есенс, за кои овие турнири беа одличен тренинг во пресрет на државните младински првенства, кои се играат идниот месец. ЖФМ Моника Жежовска беше најдобра во категоријата до 18 години кај девојките. Од другите младинци, Кирил Николовски беше втор во категоријата до 18 години, Благоја Миновски беше најдобар во категоријата за момчиња до 16 години, а Илијана Велева во категоријата за девојчиња до 14 години.
На турнирот во брзопотезен шах, кој се играше во саботата на 4 април, учествуваа 153 играчи, со темпо на игра од три минути за играч и две секунди за потег. По 13 одиграни кола, на врвот се издвои ИМ Никола Николовски со 11 бода, а зад него беа ИМ Ндерим Сарачи и ФМ Мухамет Аслани, двајцата од Косово, и ФМ Антон Златков. Од другите пласмани за издвојување се членовите на ШК Алкалоид ИМ Филип Панчевски и ВМ Роландо Кутиров, кои со освоени 9,5 бода беа на делба на петтото место, додека, пак, на делба на 8. место со по 8 бода се најдоа ВМ Звонко Станојоски, ИМ Дејан Стојановски и ВМ Драгољуб Јаќимовиќ.
ЖФМ Моника Жежовска во оваа конкуренција освои награда за најдобар играч до 18 години, а Никола Бошковски освои награда за најдобар играч во конкуренција на шахисти до 1.800 рејтинг-поени.
ШК Алкалоид продолжува со активностите во текот на целата 2026 година, а следни големи настани за клубот ќе бидат настапот на Светското екипно првенство за сениори над 50 години, кое ќе се одржи во Драч, Албанија, од 18 до 29 април, како и учеството на двајцата млади интернационални мајстори Тони Лазов и Емил Ристески на Европското поединечно првенство за 2026 во Катовице, Полска, од 6 до 20 април.
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Сезонава Ф1 сепак ќе се вози во Џеда
Поранешниот возач на Формула 1 и амбасадор на трки во Абу Даби, Роберт Дорнбос, наговести дека неодамна откажаната Голема награда на Саудиска Арабија сè уште може да се врати во календарот и да се одржи подоцна во текот на годината.
Да потсетиме дека трката во Бахреин беше планирана за 12 април, додека Саудиска Арабија требаше да биде домаќин на караванот на Формула 1 на 19 април. Сепак, обете трки беа откажани поради ескалацијата на конфликтот на Блискиот Исток.
Поради ова, има невообичаено долга пауза во сезоната од дури пет недели помеѓу Големата награда на Јапонија (29 март) и следната трка во Мајами (3 мај).
По откажувањето на овие две трки, календарот за сезоната 2026 сега има 22 трки наместо првично планираните 24, со претходно соопштение дека откажаните трки нема да бидат надоместени во текот на април.
Сепак, Дорнбос ги поттикна шпекулациите дека трката во Џеда може да се врати во распоредот. Според него, постои можност Големата награда на Саудиска Арабија да се одржи на 6 декември, додека крајот на сезоната во Абу Даби би се поместил на 13 декември.
„Слушнав различни информации. Знаеме колку е важен Арамко како спонзор на Формула 1 и колку инвестира во промоцијата на трката во Џеда. Постои реална шанса трката да се врати во календарот оваа година“, рече Дорнбос.
Арамко, државната нафтена компанија на Саудиска Арабија, е еден од клучните партнери на Формула 1 и значаен финансиер на големи спортски настани низ целиот свет.
Според овие изјави, крајот на шампионатот би можел да изгледа значително поинаку, дури четири последователни трки: Лас Вегас, Катар, Саудиска Арабија и Абу Даби.
Во моментов, Големата награда на Абу Даби е закажана за периодот од 3 до 6 декември на патеката „Јас Марина“, каде што традиционално се одлучува за шампионот. Сепак, доколку има промени во календарот, постои можност оваа трка да се помести за една недела подоцна.
Foto/ Depositphotos
Спорт
Рој Кин: Керик не е тренер за Манчестер Јунајтед
Легендата на Манчестер Јунајтед, Рој Кин, го критикуваше Мајкл Карик по поразот од Лидс.
Иако резултатот беше во сенка на судиските одлуки, Рој Кин жестоко ја критикуваше играта Јунајтед и вели дека била под просекот.
Кин досега беше еден од најголемите критичари на Мајкл Карик, синоќешниот пораз му овозможи повтороно да „удри“ по тренерот.
„Како што реков претходно и ќе продолжам да велам – Карик не е вистинскиот човек за оваа работа. Луѓето мислат дека сум премногу строг, го кажувам сето ова од некои други причини, но што повеќе треба да се случи за да го да видат тоа? Имаа 24 дена да се подготват за натпреварот на „Олд Трафорд“ против Лидс, и она беше нивната игра? Средниот ред не постоеше, особено во првото полувреме, играа без енергија и интензитет. Кога толку лошо ќе го започнете натпреварот, потешко е да го подигнете тимот и да се опоравите подоцна. Јунајтед не изгледаше како тим кој знае што да прави и да одговори на тоа. И кога го кажувам гласно го кажувам тоа, луѓето велат дека сум негативен. Овој клуб бара стандарди, а тие стандарди под Мајкл Керик се далеку.“
Јунајтед е сè уште трет на табелата со 55 бода, колку што има и Астон Вила, додека Ливерпул сега има само три помалку.
Foto/ Depositphotos
Спорт
Газдата на Наполи сака радикални промени во фудбалот
Аурелио Де Лаурентис, 76-годишниот контроверзен сопственик на Наполи, во интервју за „Њујорк тајмс“, презентираше радикални идеи за модернизација на фудбалот.
Според Де лаурентис, фокусот треба да биде на младите генерации.
„Фудбалот ќе ја изгуби помладата генерација. Натпреварите се предолги, децата немаат концентрација за 90 минути фудбал“, рече Лаурентис и додаде:
„Замислете ја таа глупава пауза од 15 минути на полувремето! Дали мислите дека мојот шестгодишен внук, кој знае сè за фудбалот од PlayStation, ќе се врати по 15 минути? Никогаш. Ќе избега од нас. Ќе оди во својата соба да игра ФИФА.“
Неговото решение е драстично.
„Би го скратил полувремето од 45 минути на 25 минути“, рече тој, истакнувајќи дека ќе се мери само времето кога топката е во игра, што би ставило крај на „крадењето на времето“.
„Не можеш да се тркалаш по теренот како глумец. Ахххх! Нема шанси! Што друго би направил? Би ги укинал црвените и жолтите картони. Наместо тоа, излегуваш пет минути за жолт картон и 20 минути за црвен.“
Целта на сите промени е поатрактивна игра со повеќе голови.
„Има премалку голови, играта не е спектакуларна. Мора да има повеќе, а за да ги имаме, мора да ги промениме правилата. Не можеш да поништиш гол поради неколку милиметри. Тоа правило за офсајд мора да се промени, доста е. Новите генерации се наше злато. Ако не ги задоволиме – ќе умреме“, заклучи Де Лаурентис.
Полицаец барал поткуп за да реши тепачка на „мирен начин“ во Струмица
Одделот за внатрешна контрола, криминалистички истраги и професионални стандарди при МВР до ОЈО ГОКК поднесе кривична пријава по брза постапка...
Сезонава Ф1 сепак ќе се вози во Џеда
Поранешниот возач на Формула 1 и амбасадор на трки во Абу Даби, Роберт Дорнбос, наговести дека неодамна откажаната Голема награда...
Медиуми: Нема разговори за прием на Украина во ЕУ
Водечките земји на Европската Унија не сакаат да го разгледаат приемот на Украина во ЕУ во блиска иднина, пишуваат медиумите,...
Меџити: Започнува трансформацијата на Старата чаршија, инвестиција од околу 29 милиони денари
Градоначалникот на Општина Чаир, Изет Меџити, го означи почетокот на работите за реконструкција и трансформација на Старата чаршија, една од...
(Видео) Мицкоски нема никакви очекувања за Груевски, но ако се врати веднаш ќе оди во затвор
Веднаш откога ќе се појави во земјава Никола Груевски ќе биде упатен на издржување на затворската казна, рече денес премиерот...
Вежбата „Блесок 26“ ќе се изведува на повеќе локации во државата
По повод отпочнувањето на активностите за вежбата „БЛЕСОК 26“ (Б-26), која ќе се изведува на повеќе локации во државата во...
Паднало од електричен тротинет: тешко повредено 12-годишно девојче од Богданци
Синоќа во 19:30 часот во Полициската станица Гевгелија е пријавено дека во Итна медицинска помош Гевгелија за укажување на лекарска...
19-годишник го претепал внукот од сестра
СВР Штип поднесе кривична пријава против А.Л.(19) од Штип. Тој се сомничи за сторено кривично дело „насилство врз дете“. Имено...
Се заканувал со пиштол: уапсен скопјанец
Вчера во 13:45 часот во Скопје, на подрачјето на Гази Баба полициски службеници од СВР Скопје го лишија од слобода...