Спорт
Шкупи и Струга не веруваат во тестовите на Систина, ќе се тестираат во Државната болница
Фудбалските клубови Шкупи и Струга Трим Лум одбиле нивните членови да бидат дел од тестирањата на коронавирусот што ги организира Синдикатот на фудбалери на Македонија (СФМ). Денес во тренинг центарот на Вардар беа тестирани членовите на црвено-црните.
Синдикатот на фудбалери на Македонија во соработка со Аџибадем Систина организираа групно тестирање на поголемиот дел од клубовите.
ФК Шкупи и ФК Струга не верувале во тестовите на Ковид-19 што ги прави Систина поради што го одбиле тестирањето, соопштија дека нивните членови ќе се тестирале во државните болници.
„Да потсетиме дека веќе неколку дена целиот тим е во карантин во просториите на нашиот клуб, сместени во нивните простории, додека пред и после секој тренинг ја мериме нивната телесна температура, во исто време сите се хранат во клупскиот ресторан. Значи, сè е под контрола.
Ние сме должни да ве известиме дека пред неколку недели направивме неколку тестови за Ковид-19 на некои фудбалери кои се покажаа како негативни. Во координација сме со Институтот за заразни болести за секоја активност што ја преземаме.
Ние како клуб не прифативме да ги направиме тестовите во болницата Аџибадем Систина, бидејќи тие не се прифатени од релевантните институции, побаравме да бидеме тестирани во Државната болница на Република Македонија. Чекаме да ни закажат термин за тестовите“, се вели во дел од соопштението кое ФК Шкупи го објави на својата интернет страница.
Вчера по извршените тестови СФМ објави дека има вкупно шестмина позитивни во два клуба, Ренова и Шкендија.
фото/fcshkupi.com
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Де Хеа во Бетис?
Давид Де Хеа, минатото лето, како слободен играч го напушти Манчестер јунајтед. Имаше понуди, најмногу од Саудиска Арабија, но тој реши да ја чека вистинската, поради што ја пропушти оваа сезона.
Де Хеа на почетокот на сезоната доби понуда и од Реал Мадрид, кој остана без првиот голман Тибо Куртоа, но одби да се пресели на „Сантијаго Бернабеу“. Не откри дали го одбил „кралскиот клуб“ поради финансиската понуда или поради тоа што тој е „дете“ на Атлетико Мадрид.
Шпанските медиуми тврдат дека Де Хеа од наредната сезона се враќа меѓу стативите. Според овие извори тој ќе брани за Бетис. Ќе потпише договор со клубот од Севилја кога ќе започне преодниот рок.
Бетис моментално се седми на табелата во Примера.
Спорт
Баерн преговара и со селекторот на Австрија
Фудбалскиот клуб Баерн веќе два месеци го бара наследникот на Томас Тухел, а сега почнале преговори со Ралф Рангник, пренесува германскиот новинар на „Скај Спорт“, Флоријан Плетенберг.
Баварците се во потрага по нов шеф на стручниот штаб кој би го тимот од Тухел по завршувањето на сезоната. Затоа почнале преговори со Рагник, кој е селектор на Австрија со која ќе настапи на ЕУРО 2024. Новинарот потенцира дека многу работи би треабло да се поклопат за Рангник да дојде во Минхен.
Плетенберг пренесува дека е воспоставен контакт со Рагник откако станало јасно дека преговорите за враќање на Јулијан Нагелсман пропаднале кога тој потпиша нов договор со Германскиот фудбалски сојуз, а Баерн сака што поскоро да го претстави новиот тренер.
Договорот на Рагник со Австрискиот фудбалски сојуз е до Светското првенство во фудбал во 2026 година, но може да биде раскинат со соодветна отштета. Доколку челниците на Баерн успеат да се договорат со 65-годишниот стручњак, парите не би требало да бидат проблем.
Дополнително, Де Зерби и Зинедин Зидан се уште се кандидати за клупата на Баерн.
Спорт
Ѓоковиќ: Сакам да учествувам и на ОИ во 2028 година
Новак Ѓоковиќ го искористи петтото прогласување за најдобар спортист на планетата за да ги открие своите идни планови.
Српскиот тенисер, на новинарите во Мадрид им откри дека се ште не размислува за пензионирање.
„Мојата најважна цел годинава е златен медал на Олимписките игри во Париз. Верувам дека е можно, да не верувам, немаше ни да играм. Секогаш мора да верувате дека се е можно во животот. Којзнае дали повторно ќе имам таква шанса. Сакам да учествувам на Игрите во Лос Анџелес во 2028 година, но никогаш не се знае што ќе се случи.
Тој објасни и зошто решил да не игра на Мастерсот во Мадрид.
„Го подготвувам своето тело за Ролан Гарос, Вимблдон, Игрите и Ју-ес Опен и овој период е исклучително важен за мене. Планирам за две недели да учествувам на Мастерсот во Рим. Се надевам дека следната година ќе играм во Мадрид. Сè уште сум млад, ми останува уште многу време за игра“, се пошегува Ѓоковиќ, кој за околу еден месец полни 37 години.