Спорт

Шок во Ротердам, од турнирот испаднаа Медведев и Зверев

Објавено пред

1 месец

- 3 март, 2021

Од

Големите фаворити за титулата во Ротердам, Данил Медведев и Александар Зверев, го завршија својот настап на овој АТП турнир од серијата 500. Тенисерите кои на АТП листата се наоѓаат на третото, односно седмото место, испаднаа од Душан Лајовиќ и Александар Бублик.

Во отсуство на двајцата најдобри во светот, Новак Ѓоковиќ и Рафаел Надал, статусот на прв носител во Ротердам го доби Медведев. Рускиот тенисер, кој неодамна играше во финалето на Австралија опен, испадна од 27. на АТП листата, Душан Лајовиќ.

Српскиот тенисер забележа победа по 96 минути игра. Лајовиќ првиот сет го доби во тај-брејк со 7:4, а во вториот клучниот брејк го направи во деветтиот гем, откако во претходниот успеа да спаси две топки за брејк.

Медведев со овој пораз ја испушти можноста да го мине Надал на второто место. За таков резултат требаше да се пласира во финалето на турнирот.

Лајовиќ во наредното коло за противник ќе го има Борна Чориќ.

Третиот носител во Ротердам, четврт-финалист на Австралија опен, Александар Зверев за 79 минути игра загуби со 5:7, 3:6 од 43. на АТП листата, Александар Бублик. За тенисерот од Казахстан ова е прва победа над играч од Топ 10.

Двата сета се играа по исто сценарио. Зврев направи брејк на стартот и на првиот и на вториот сет, Бублик експресно возвраќаше, а потоа правеше уште по еден брејк во клучните моменти.

Противник на Бублик во наредното коло ќе му биде Американецот Томи Пол.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

Јувентус против Наполи на 17.март

Претходно

Драма во Сараево – МЗТ го победи Работнички

Спорт

Фановите на Ливерпул со камења по автобусот на Реал Мадрид

Објавено пред

1 час

- 14 април, 2021

Од

TopSport.mk

Фудбалерите на Реал Мадрид имале „мала незгода“ при пристигнувањето на „Енфилд“, откако груп навивачи на Ливерпул со камења удрила по автобусот, кршејќи едно стакло.

За среќа, нема повредени во инцидентот.

Реал го доби првиот меч во Мадрид со 3:1 и е поблиску до пресметка со Челси во полуфиналето на елитното европско натпреварување.

Real Madrid’s team bus was damaged after being targeted by Liverpool fans near Anfield.
(via @ZanySebastien)pic.twitter.com/J9WACAELfE
— ESPN FC (@ESPNFC) April 14, 2021

😳@RealMadrid’s team bus has been attacked on their way to their @ChampionsLeague 2nd leg vs @LFC! pic.twitter.com/cOzWPrpOoq
— SPORF (@Sporf) April 14, 2021

Прикажи повеќе...

Спорт

Хамилтон пред Имола откри зошто Аиртон Сена е најдобриот

Објавено пред

2 часа

- 14 април, 2021

Од

TopSport.mk

Седумкратниот светски шампион, Луис Хамилтон во интервју за италијанскиот весник „Ла газета дело спорт“ пред трката овој викенд во Имола, патеката на која животот го загуби легендарниот Аиртон Сена, уште еднаш зборуваше за почитувањето кон својот тркачки идол.

„Кого почитувам најмногу од возачите? Дефинитивно Аиртон Сена, поради начинот на кој возеше и колку беше важен со совјот карактер. Неговото влијание беше огромно. Немав среќа да го запознаам, но љубовта која ја имаат луѓето кон него е видлива. Секако, почитувам и други возачи, како Михаел Шумахер, кој покажа неверојатна поврзаност со својот тим. Знам колку е тешко тоа да се постигне“, вели Хамилтон.

36-годишниот ветеран исто ги кажа своите идоли од други спортови.

„Кога бев млад, Мухамед Али беше мојот крал. Како спортист, активист и како голема личност. Тој беше најинтелигентниот и затоа знаеше да зборува. Серена Вилијамс исто така ја почитувам како една од најголемите спортистки во историјата, како и Тајгер Вудс“, додава Англичанецот.

Прикажи повеќе...

Спорт

Ѓоковиќ во одбрана на својот татко по нападите кон Федерер

Објавено пред

2 часа

- 14 април, 2021

Од

TopSport.mk

Новак Ѓоковиќ не сакаше да ги осуди коментарите кои неговиот татко Срѓан Ѓоковиќ ги упати кон швајцарскиот ривал Роџер Федерер, нарекувајќи го „одличен тенисер, но лош човек“.

„Пред 15 години, Федерер го нападна мојот син кога тој имаше 18 или 19 години. Знаев дека некој е подобар од него. Кажав дека Федерер е голем шампион, но не е добар човек“, изјави постариот Ѓоковиќ.

По камбекот со победа на Мастерсот во Монте Карло, Ѓоковиќ вели дека не се согласува секогаш со изјавите на неговиот татко, но дека секогаш стои зад него.

„Го сакам, тој ми е најголемата поддршка. Не можам да контролирам што кажува, бидејќи секој има право да го каже своето мислење и не се согласувам со сите работи кои ги кажува. Тој е страствен човек и сака да ме заштити, така што секогаш сум зад него“, вели Новак.