Спорт
Шпанците немоќни за нов подвиг – Данска ќе оди на хет-трик титули
Данска ќе се обиде по третпат едноподруго да стане светски шампион во ракомет, откако во мега-дуелот од полуфиналето не дозволија уште еден камбек на Шпанија, победувајќи ја „фуријата“ со 26:23 (15:10).
Шпанците, кои во четврт-финалето, по драматични продолженија ја елиминираа Норвешка враќајќи се од голема разлика, и овојпат се заканија дека ќе го направат истото во второто полувреме, откако Данците имаа предност од пет гола на полувреме.
Меѓутоа, откако се доближија на само гол разлика (20:21), Данска врати со серија да се одлепи на +5. Меѓутоа, последните минути повторно беа драматични, откако Перез де Варгас му одбрани пенал на Микел Хансен, Шпанците добија шанса на минута до крај да се доближат на гол-разлика. Меѓутоа, бидејќи повторно беше досуден пенал, овојпат беше време Никлас Ландин да покаже што умее, бранејќи му го ударот на Феран Соле за обезбедување на победата.
Симон Питлик беше најефикасен за Шпанија со шест гола, Магнус Саугструп додаде пет, додека кај Шпанците, Алекс Душебаев заврши со пет гола.
Данска, сега го чека подобриот од второто полуфинале, Франција-Шведска, во големото финале.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.