Спорт
Шпанците тврдат: Мбапе има неограничена моќ во ПСЖ
За да остане во ПСЖ, Килијан Мбапе, ги условил клупските челници не само огромен договор до 2025 година, туку и побарал да има влијание во носењето на одлуки клучни за функционирањето на клубот, тврди денеска „Мундо депортиво“ и објаснува како изгледа оваа досега невиден моќ што ја добил еден фудбалер.
Според овој извор, Мбапе повеќе не е само играч, туку човек чиј глас, заедно со тренерот, спортскиот директор и претседателот, важи подеднакво кога се во прашање кадровските решенија за продажба и купување на играчи.
Работите наводно отишле толку далеку што Мбапе составил листа за „отстрел“ во која биле вклучени 14 луѓе од клубот. „Мундо депортиво“, листата ја наречена „црната листа на Мбапе“.
Меѓу тие 14 непожелни се тренерот Маурисио Покетино и 13 соиграчи, меѓу кои Тило Керер, Јулијан Дракслер, Данило Переира, Леандро Паредес, Андер Ерера, Лајвин Курзава, Мауро Икарди, Пабло Сарабија, Хуан Бернат, Идриса Геје, Серхио Рико.
Катарските сопственици наводно веќе го одобриле списокот, а сега се водат разговори за тоа кого ПСЖ ќе донесе во текот на летниот преоден рок. Мбапе, исто така, наводно веќе го одобрил доаѓањето на Аурелиен Чоамени од Монако доколку ПСЖ успее да го „грабне“ овој фудбалер пред носот на Реал Мадрид.
Да потсетиме, претходно „Паризиен“, пишуваше за големите промени во ПСЖ, но не во режија на Мбапе. Во ПСЖ, откако Мбапе остана во клубот, дојде до промена на функцијата спортски директор. Бразилецот Леонардо го напушти клубот, на неговото место дојде Луис Кампос, долгогодишниот спортски директор на Лил, кој претходно беше во Монако.
Според овој извор, Кампос е доведен како човек кој треба да ја креира спортската политика на ПСЖ во следните неколку години, се со цел порационално да се трошат парите и конечно да се стигне до трофејот од Лигата на шампионите. „Паризиен“, денеска објави дека првиот чекор на Кампос ќе биде да го исчисти постоечкиот персонал.
Според француските медиуми, дури десет играчи на кои не смета Кампос ќе го напуштат клубот во овој преоден рок. Тоа се: Серхио Рико, Лајвин Курзава, Тило Керер, Абду Диало, Леандро Паредес, Андер Ерера, Данило, Идриса Геје, Јулијан Дракслер и Мауро Икарди.
Анхел Ди Марија кому му истече договорот веќе го напушти клубот, а многу медиуми пишуваат дека од врвот на ПСЖ пристигнуваат информации дека шеиците се спремни да слушаат понуди за Нејмар. Тие не се склони да продаваат, но ако некој стави на маса сума што би ги заинтригирала, тие се отворени за преговори.
Во оваа верзија на расплетот се споменува и позицијата на Маурисио Покетино, но овојпат само како позиција за која треба да се разговара, а не нужно како позиција на која ќе дојде до промена. Што е всушност точно за овие написи ќе биде јасно кога ќе заврши преодниот период.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.
Спорт
„Заминувам ако Алегри остане тренер“
Федерико Киеза (26) е подготвен да го напушти Јувентус. „Газета дело Спорт“, дури тврди дека италијанскиот репрезентативец им поставил ултиматум на клупските челници.
Енрико Киеза, сезонава не игра на вообичаеното ниво откако се опорави од тешката повреда.
Иако италијанскиот репрезентативец постигна скромни осум гола и две асистенции за неговите стандарди, Јувентус би сакал да го задржи, но се уште нема никаков напредок во преговорите.
Неговиот актуелен договор е до 2025 година, што значително го намалува просторот за маневрирање на клубот.
Киеза на лето би можел да влезе во последната година од договорот и тоа ќе биде последна шанса да клубот заработи од неговиот трансфер.
„Газета дело Спорт“, пишува дека Киеза својот потенцијален останок во клубот го условува со ултиматум. Италијанскиот весник пишува дека Киеза на затворен состанок јасно им кажал на клупските челници дека сигурно ќе го напушти клубот доколку Масимилијано Алегри остане тренер и во следната сезона.
Сериозен интерес за Киеза покажа Рома, односно нејзниот тренер Даниеле Де Роси, кој ќе ја доби довербата да го предводи тимот и наредната сезона.