Спорт
Што бараше Барса на бизарниот Марадона-куп против Бока јуниорс?
Барселона и Бока јуниорс одиграа 1:1 во бизарниот меч наречен Марадона-куп во Саудиска Арабија по што Каталонците загубија со 4:2 во пенал-серијата во дуел на кој, според многу фудбалски фанови, не требаше да играат Каталонците и за кој двата клуба добија по 2 милиона евра.
Чави Ернандез на „МРСООЛ парк“ во Ријад на теренот не го изнесе својот најдобар тим, иако му даде шанса на Дани Алвеш да игра покрај фудбалери од младиот состав (Ахомач, Демир, Нето, Санз, Балде), а својот прв гол во дресот на Барса го постигна 22-годишниот Феран Жугтла во 50. минута, кој неодамна со Осасуна дебитира, а пристига во Барселона од Еспањол во текот на летото. За Бока израмни тинејџерот Езекиел Зебалјос во 77. минута од мечот. Во пенал-серијата сите фудбалери на Бока беа прецизни, а Матеуш Переира и Гијем Хаиме беа непрецизни за Барселона.
Диего Армандо Марадона е идол на многу фудбалски фанови и на неколку фудбалски клубови, од кои секако на првото место е неговиот омилен Наполи, но и Бока јуниорс и Њуел олд бојс. Барселона тешко дека може да се вброи во оваа конкуренција, особено бидејќи тој помина само две сезони со многу повреди во клубот, а и самиот немаше најдобри зборови за Каталонците. Но, откако Наполи побара 4 милиони евра за мечот, Барселона во финансиска криза го прифати мечот.
Да потсетиме, во 2018 година, во интервју за „Марка“, Марадона најави дека и неговиот сонародник и наследник, Лео Меси, ќе замине од Барселона.
„Во Барселона ги забораваат своите идоли многу бргу. Нека внимаваат да не го направат со Меси она што го направија со мене, со Ривалдо, со Роналдо, со Ромарио, со Луиш Фиго. Можам да набројам многу фудбалери што беа исфрлени од Барселона поради љубомора. На крајот губат фановите“, изјави тогаш Марадона.
W?WSERS! @Ferranett7 with the turnaround! pic.twitter.com/IuaY4L4H0S
— FC Barcelona (@FCBarcelona) December 14, 2021
¡GOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOLAZO DE #BOCA, LO HIZO ZEBALLOS!????#VamosBoca pic.twitter.com/Vscl4LoWUu
— C.A.B.J. Gol (@CABJGol) December 14, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Баерн извиси, Нагелсман ќе остане селектор на Германија
Јулијан Нагелсман нема да се врати во Баерн Минхен. Младиот тренер, потпиша нов договор со Фудбалскиот сојуз на Германија. Ќе остане селектор до Светското првенство во 2026 година.
Пропадна планот на Баерн Минхен дека Наглесман ќе се врати во клубот. Очигледно, Наглесман не го заборави начинот на кој беше избркан од клубот пред една година, од тогашните функционери Хасан Салихамиџиќ и Оливер Кан.
Наследницуте на Салихамиџиќ и Кан, Макс Еберл и Кристоф Фројнд, стапиле во контакт во тренерот и неговиот менаџер. Се извиниле за она што го направија нивните претходници, а по првиот состанок биле убедени дека Наглесман ќе се врати во Минхен. Сепак ги прецениле своите можности и ноќта на Фудбалскиот сојуз на Германија.
Клучен потег на челниците на Сојузот беше продолжувањето на договорот со директорот на репрезентацијата Руди Фелер. Ова беше знак за Нагелсман дека позитивната атмосфера нема да се промени. Фелер е големо име и она што е најважно не е човек на Баерн. Тој има одлични односи со Нагелсман и бил еден од клучните луѓе во преговорите околу новиот договор. Нагелсман на крајот се согласи да потпише двегодишен договор.
„Ова е одлука донесена од срце. Голема чест е да се биде тренер на репрезентацијата и најдобрите германски фудбалери. Со успешни и страсни изданија, имаме шанса да ја инспирираме целата нација. Победите против Франција и Холандија во март ни покажаа дека сме на вистинскиот пат. Бевме трогнати од ентузијазмот на навивачите за понатамошни предизвици како што е Светското првенство во 2026 година“, рече Нагелсман по потпишувањето на новиот договор.
Спорт
Дали Премиер лигата е најсилна во светот на фудбалот?
Сезоната 2023/2024 во европските купови стана вистински кошмар за клубовите од најсилната лига во светот, англиската Премиер лига.
Во завршницата, Премиер лигата има само еден тим. Честа на англиското фудбал ја брани Астон Вила и тоа во третото според ранг европско натпреварување, Конференциската лига.
Англија нема претставник во Лигата на шампионите, откако Манчестер сити и Арсенал беа елиминирани во средата, во четвртфиналето, а претходно Манчестер јунајтед и Њукасл испаднаа во фазата по групи.
Во елитното натпреварување Премиер лигата доживеа вистински дебакл, бидејќи англиските тимови освоија три титули во последните пет сезони.
Синоќа, во четвртфиналето сезоната во Лига Евопа ја завршија Ливерпул и Вест Хем. Во
За прв пат по девет години ниту, Англија нема полуфиналист во двете најсилни европски натпреварувања.
Честа на англискиот фудбал остана да ја брани Астон Вила. Клубот од Бирмингем во полуфиналето ќе игра против Олимпијакос.
Спорт
Дождот направи хаос, Норис пред Хамилтон и Алонсо на пол-позицијата за спринт-трката во Шангај
Ландо Норис најдобро се снајде во хаотичните услови во квалификациите за првата спринт трката оваа сезона во Формула 1, Големата награда на Кина.
Дождот им создаде големи проблеми на возачите, а во такви услови најдобар беше пилотот на Мекларен. Норис забележа време 1:57.940 минути, кое беше за 1,2 секунди подобро времето на Луис Хамилтон (Мерцедес) и 1,9 секунди побрзо од времето на Фернандо Алонсо (Астон Мартин).
Искуството на Хамилтон и Алонсо пресуди во борбата со пилотите на Ред Бул и Ферари кои возат подобри болиди.
Актуелниот светски првак, Макс Ферстапен спринтот в Шангај ќе го започне од четвртото место, зад него се Карлос Саинц (Ферари), Серхио Перез (Ред Бул), Шарл Леклер (Ферари), Оскар Пјастри (Мекларен), Валтери Ботаси и Жу од Заубер.
Спринт трката во пресрет на Големата награда на Кина, утре се вози во 5 часот по македонско време. Квалификациите за главната трка ќе се одржат четири часа подоцна. Големата награда на Кина започнува во недела во 9 часот.