Спорт
Швајнштајгер: За мене Германија е голем знак прашалник
Поранешниот капитен на германската фудбалска репрезентација Бастијан Швајнштајгер не е убеден дека Германија ќе стигне далеку на Светското првенство во Катар. Во интервју за „Дојче веле“, Швајнштајгер изјави дека Франција е најголемиот фаворит на турнирот.
„За мене постои голем знак прашалник во врскан со германскиот тим. Способни сме да ги победиме сите други тимови, но премногу често едноставно не сме константни. Тоа е како бран, 60 минути играме добар фудбал, а потоа во последните 30 минути сме лоши. Се мачиме против репрезентации кои добро се бранат, како против Унгарија неодамна во Лигата на нации. Ако не внимаваш на транзиција и контранапади, ја губиш контролата врз играта. На Светското првенство нашиот прв натпревар е против Јапонија и тоа може да се повтори“.
Светскиот првак со Германија во 2014 година, смета дека Франција прв фаворит на турнирот е Франција.
„Имаат најквалитетни играчи и најдобар микс во тимот. Ако сите се фит, ако е на располагање Пол Погба, тие се фаворити. Погледнете го само Килијан Мбапе… тоа е радост, тој е фантастичен играч. Но, оваа француска екипа има и искуство да игра заедно на голем турнир. Тренерот Дидие Дешамп точно знае што може да побара од играчите на теренот. И Бразил има одличен тим, се разбира. Во добра форма е и Холандија“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…