Спорт
Симеоне: Јунајтед се меѓу најдобрите во светот, немаат слабо место во тимот
Атлетико Мадрид, вечерва, ќе го пречека Манчестер јунајтед, во првиот осмина-финален натпревар во Лигата на шампионите. Ќе биде ова дуел на два тима, кои имаа големи амбиции на почетокот на сезоната, а кој до крајот на истата ќе водат голема борба во националните првенства да изборат место меѓу најдобрите четири екипи.
Атлетико нема да ја одбрани титулата во Шпанија, тоа е јасно по серијата на лоши резултати која започна во декември минатата година. На Шпанците не им е јасно што се случува со тимот кој е посилен од оној што ја освои титулата. Нереално делува податокот дека „јорганџиите“ примаат речиси два гола по натпревар. Во претходната деценија, во ерата на Чоло Симеоне, Атлетико примале во просек 0,7 голови по натпревар.
Тренеот на Атлетико има огромни проблеми со повредени играчи. Вечерашниот натпревар ќе го пропушат капитенот Коек, Тома Лемар и Даниел Вас, а поради суспензија нема да настапи Јаник Караско.
„Ако не грешам, ќе се сретнеме со еден од најдобрите клубови во светот на последните 14 натпревари. Во тој период доживеале само еден пораз. Со новиот тренер Јунајтед добија стабилност, посветеност и тимска работа. Напредуваат со новиот менаџер“, рекол Симеоне.
Најголем проблем ќе му биде човекот кој последните два месеци игра во лоша форма, Кристијано Роналдо. Португалецот секогаш е инспириран против Атлетико. Против овој тим има одиграно 32 натпревари во кариерата, постигнал 25 голови. Само на Севилја, Роналдо ѝ постигнал повеќе голови во кариерата, вкупно 27.
Симеоне смета дека опасноста за неговиот тим нема да доаѓа само од Роналдо.
„Тоа е силна, динамична и храбра екипа, со одлични напаѓачи. Имаат цврстина во одбраната, физички се силни, особено нивните дефанзивци и дефанзивните играчи во средниот ред. Секогаш ги проценувам добрите страни на противникот, се надевам дека ќе најдема начин да им наштетиме“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.
Спорт
„Заминувам ако Алегри остане тренер“
Федерико Киеза (26) е подготвен да го напушти Јувентус. „Газета дело Спорт“, дури тврди дека италијанскиот репрезентативец им поставил ултиматум на клупските челници.
Енрико Киеза, сезонава не игра на вообичаеното ниво откако се опорави од тешката повреда.
Иако италијанскиот репрезентативец постигна скромни осум гола и две асистенции за неговите стандарди, Јувентус би сакал да го задржи, но се уште нема никаков напредок во преговорите.
Неговиот актуелен договор е до 2025 година, што значително го намалува просторот за маневрирање на клубот.
Киеза на лето би можел да влезе во последната година од договорот и тоа ќе биде последна шанса да клубот заработи од неговиот трансфер.
„Газета дело Спорт“, пишува дека Киеза својот потенцијален останок во клубот го условува со ултиматум. Италијанскиот весник пишува дека Киеза на затворен состанок јасно им кажал на клупските челници дека сигурно ќе го напушти клубот доколку Масимилијано Алегри остане тренер и во следната сезона.
Сериозен интерес за Киеза покажа Рома, односно нејзниот тренер Даниеле Де Роси, кој ќе ја доби довербата да го предводи тимот и наредната сезона.
Спорт
Барселона подготвува мегатрансфер, го продава Араухо за 100 милиони евра
Барселона е подготвена да го продаде Роналд Араухо (25), објави каталонски „Спорт“. Овој извор наведува дека Барселона мора да заработи од трансфери на играчи во летниот преоден рок за да избегне финансиски проблеми и да ги исполни критериумите од финансискиот фер-плеј.
Уругвајскиот дефанзивец е еден од фудбалерите кои имаат најголема пазарна вредност. Раководството на Барселона смета дека од неговиот трансфер би можеле да заработат повеќе од 100 милиони евра.
„Трансфермаркт“, неговата вредност ја проценува на 70 милиони евра, а неговиот договор со Барселона истекува во јуни 2026 година.
Барселона смета, тврди „Спорт“, дека во суперталентот Пау Кубарси (17), има квалитетна дефанзивна опција. Доколку би го продале Араухо, Барселона би се обидела да донесе слободен играч кој би му бил партнер на Кубарси.
Араухо ја започна својата кариера во уругвајските клубови Рентистас и Бостон Ривер. Во 2018 година Барселона го донесе за речиси пет милиони евра, а оттогаш забележа 147 настапи, постигна осум гола. Со Барселона има освоено три трофеи.