Спорт
Симеоне: Не сакам да барам алиби и да се извинувам
Тренерот на Атлетико Мадрид, Диего Симеоне, му честиташе на Арсенал за победата и пласманот во финалето на Лигата на шампионите.
Атлетико не успеа да се пласира во финалето на Лигата на шампионите. Откако првиот натпревар во Мадрид заврши нерешено 1:1, „топџиите“, во реваншот, ги победија Шпанците со 1:0 (1:0).
„Па, ако испаднавме, тоа е затоа што нашите противници заслужија да поминат понатаму. Тие ја искористија својата голема шанса во првото полувреме и заслужено продолжуваат понатаму. Се чувствувам смирено, чувствувам мир“, започна Диего Симеоне пред новинарите во Лондон, објави Би-Би-Си Спорт.
„Не бевме доволно прецизни во ситуациите во кои се најдовме. Се подобривме во второто полувреме. Имаше работи што можеа да тргнат во наша корист, но не тргнаа. Дадовме се од себе и сега мора да прифатиме каде сме. Благодарение на нашите навивачи и играчи, се чувствувам горд што сме таму каде што сме. Реков дека сакаме да се натпреваруваме и го сторивме тоа. За жал, не освоивме ништо, но стигнавме до места до кои е тешко да се стигне“, рече аргентинскиот тренер.
Новинарите го прашаа и за одлуките на судијата, особено за ситуацијата кога неговиот син Џулијано се најде пред голот на Арсенал:
„Нема да навлегувам во тоа. Сите знаеме дека беше фаул. Сите мислевме дека судијата донесе правилна одлука. Нема да навлегувам во тоа бидејќи не сакам да барам алиби и да се извинувам.“
Арсенал ќе се бори во финалето против подобриот тим од вториот полуфинален натпревар помеѓу Пари Сен Жермен и Баерн. Во првиот натпревар во Париз, Французите славеа со спектакуларен резултат од 5:4.
Финалето е закажано за 30 мај во Будимпешта на стадионот „Пушкаш Арена“.
Foto/ Depositphotos
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Леон Горецка има нов клуб
Леон Горецка го напушта Баерн по осум години. 31-годишниот играч од средниот ред ја продолжува кариерата во Милан.
Договорот на Горецка истекува на 30 јуни, а клубот уште пред два месеци објави дека нема да му понуди нов. Тој во Милан ќе пристигне како слободен играч.
Германскиот репрезентативец се согласи на тригодишен договор со Милан со плата од пет милиони евра по сезона. Сè треба да биде официјално потврдено наскоро.
Леон Горецка пристигна во Баерн во 2018 година од Шалке како слободен играч. Во изминатите осум години освои 16 трофеи.
Дресот на баварскиот гигант го носеше 310 пати, постигна 51 голл и забележа 52 асистенции.
Foto/ Depositphotos
Спорт
Неизвесна е судбината на Дибала во Рома
Паоло Дибала (32) откри дека Рома сè уште не го контактирала за продолжување на договорот, потврдувајќи дека дербито против Лацио следниот викенд ќе биде неговиот последен домашен натпревар за клубот доколку не се постигне договор.
Неговата изјава следеше по драматичната победа на Рома од 3-2 на гости против Парма, која им ги спаси надежите за пласман во Лигата на шампионите, пишува „Фудбал Италија“.
По натпреварот, Дибала отворено зборуваше за „Скај Спорт“ за својата неизвесна иднина.
„И јас би сакал да знам што ми носи иднината. Мојот договор истекува за два натпревари. Како што стојат работите, дербито ќе биде мојот последен натпревар пред нашите навивачи“, рече аргентинскиот фудбалер.
Кога беше директно прашан дали клубот го контактирал во врска со нов договор, одговорот на Дибала беше краток и јасен: „Не“.
Ситуацијата со Аргентинецот фрла сенка на инаку извонредната вечер за Рома, која губеше во Парма до 93-та минута, но на крајот успеа да победи. Решавачкиот гол го постигна Дониел Мален од пенал во 101-та минута. Со таа победа, Рома се изедначи со Милан на четвртото место.
Дибала, сепак, се обиде да го сврти вниманието од индивидуалните проблеми кон успехот на тимот.
„Ова е тим кој дава сè од себе до самиот крај. Знаеме дека пласманот во Лигата на шампионите не зависи само од нас, но ќе се бориме до последен момент“, рече тој.
За да ги задржи своите шанси за Лигата на шампионите, Рома мора да ги победи своите градски ривали во последното коло. Трката за елитното европско натпреварување е исклучително напната бидејќи тимовите од третот до шестото место: Јувентус, Милан, Рома и Комо ги делат само три бода, а само два од тие четири тима ќе обезбедат место меѓу првите четири.
Foot/ Depositphotos
Спорт
Шпанците тврдат дека Мурињо е новиот тренер на Реал
Португалскиот тренер Жозе Мурињо повторно е главна тема на шпанските медиуми, а сè повеќе извори тврдат дека неговото враќање на клупата на Реал Мадрид е практично завршена работа.
По турбулентната сезона без трофеј и бројните проблеми во соблекувалната, Флорентино Перез наводно се одлучил за потег за да ја врати стабилноста и авторитетот во тимот. Изборот паднал на Мурињо.
Португалецот на тој начин би се вратил на „Сантијаго Бернабеу“, по повеќе од една деценија, каде што веќе работеше од 2010 до 2013 година.
Во Мадрид веруваат дека Мурињо е тренерот кој може да ја смири напнатата атмосфера во соблекувалната и да ја врати дисциплината меѓу ѕвездите на Реал. Во последните недели, клубот го потресуваат приказни за инциденти меѓу играчите, поделби и незадоволство во тимот.
Наводно, на Мурињо ќе добие големи овластувања во создавањето на тимот, во превод би влијаел на летните трансфери. Се очекуваат и сериозни промени во соблекувалната, а некои играчи би можеле да го напуштат клубот ова лето.
Во својот прв мандат, тој го предводеше Реал во 178 натпревари и го освои првенството, Купот на Кралот и шпанскиот Суперкуп. Иако во тоа време не успеа да ја освои Лигата на шампионите, многумина во Мадрид веруваат дека тој ги постави темелите за последователниот европски успех на клубот.
Според истите информации, официјалната потврда би можела да пристигне веднаш по завршувањето на сезоната.
Foto/ Depositphotos
