По 86 трки во Светскиот куп, норвешкиот скијач Себастијан Вос Солеваг стигна до доминантна победа на слаломот во австрискиот скијачки центар Флахау, за прв триумф во кариерата.

29-годишниот Вос Солеваг, кој дебитираше во Леви во 2012 година, досега имаше освоено четири подиуми, но победата беше далечна пред денеска, кога имаше фантастични две возења за победа со 0.76 секунди пред Австриецот Марко Шварц, кој е на подиумот во последните три трки. Французинот Алексис Пинтуро го освои првиот подиум оваа сезона во слаломот со 0.95 секунди заостанување.

По напорни две недели за специјалистите за технички трки, од следниот викенд во акција стапуваат спусташите на легендарната Штрајф во Кицбил, по што на 26 јануари е ноќниот слалом во Шладминг.

6° SLALOM E 6° VINCITORE DIVERSO IN STAGIONE! 😮

Sebastian Foss-Solevaag vince il 2° slalom di Flachau e ottiene la prima vittoria in carriera in Coppa del Mondo! ⛷️🇳🇴#EurosportSCI | #FISAlpine pic.twitter.com/Ojro3MfUEH

— Eurosport IT (@Eurosport_IT) January 17, 2021

Готие Мвумби, огромниот пивот на ДР Конго, кој стана атракција на ракометниот Мундијал во Египет, доби порака од исто така огромната НБА легенда, Шекил О’Нил, и потврди дека има нов прекар: „Ел гиганте“.

26-годишниот Мвумби, кој постигна четири гола во дебито на Мундијалите против Аргентина, има 1.92 сантиметри и над 110 килограми и на Аргентинците им беше многу тешко да го сопрат. За неговата слава чу и Шекил О’Нил, кој објави приказна на неговата Инстаграм страница.

„Велат дека ти си Шек во ракометот, што се случува?“, го прашува Шек ракометарот.

Мвумби беше воодушевен од поздравот.

„Сонот кој остана реалност, нешто што навистина не ми се веруваше. Мојот идол Шек, мојата ѕвезда, благодарам за пораките и за поддршката. Не разбирам што се случува, но пораката е таа: живеј го својот живот и бори се за тоа што си“, напиша Мвумби.

El Gigante Gauthier Mvumbi – the @SHAQ of handball 🤩https://t.co/aVIh3C1PON#handball #Egypt2021 pic.twitter.com/5UxkN4QPZd

— Rasmus Boysen (@RasmusBoysen92) January 17, 2021

 

View this post on Instagram

 

A post shared by @gauthiermvumbi

Ракометарот од ДР Конго кој стана атракција на СП

Наполи се искачи на третото место во Серија А, откако инспирирани од капитенот Лоренцо Инсиње, кој постигна два гола и имаше една асистенција, стигнаа до убедлива 6:0 победа над Фиорентина.

Инсиње го почна гол-шоуто уште во петтата минута, по што во пеколни десет минути во финишот на првото полувреме се случи катастрофа за Фиорентина – голови постигнаа Диего Деме (36.), Ирвинг Лозано на асистенција на Инсиње (38.) и Пјотр Зиелински (45.). Инсиње додаде гол од пенал во 72. минута, а од 73-тата минута шанса во тимот на Џенаро Гатузо доби и Елиф Елмас, пред во 89. минута Матео Политано да ги постави конечните 6:0.

Наполи сега се трети со 34 поени, три зад Интер и шест зад лидерот Милан, додека Фиорентина е на 14. место со 18 поени.