Спорт
Симон и Ефес го „растурија“ Реал, Звезда „падна“ во финишот со Барселона (видео)
Во четвртото коло од Евролигата, Крунослав Симон и Брајант Данстон во второто полувреме го предводеа Анадолу Ефес до убедлива 76:60 победа над Реал Мадрид за да го подобрат скорот на 3:1 (а Реал да падне на 2-2).
Симон постигна само два поени во првото полувреме, но доминираше во второто за да го заврши мечот со 17 поени, колку што имаше и Данстон, а Крис Синглтон додаде 13 поени. Кај Реал, Серхио Љуљ имаше 14 поени, а Габриел Дек и Џордан Мики по 10.
Реал го започна мечот со 9 поени во низа, но Ефес успеа да се врати и да направи пресврт за 22:13 водство на почетокот на втората четвртина. Но, Шпанците повторно се вратија за 31:29 водство на полувреме, пред да почне „шоуто“ на Симон во второто полувреме.
Црвена звезда пак, одигра одлично прво полувреме, но на крајот не успеа да ги спречи Барселона да стигнат до четвртата победа во четири кола во Евролигата (73:65) во Белград.
За Звезда ова беше прв меч под водство на Андрија Гавриловиќ по отказот кој го доби Милан Томиќ, и тие почнаа фантастично, посебно во одбраната, но во последните 15 минути оваа игра се „распадна“ и тимот на Светислав Пешиќ остана непоразен по четири кола.
ЕВРОЛИГА, 4.КОЛО
Зенит Санкт Петербург – Панатинаикос 79:89 (20:22, 18:18, 22:25, 19:24)
Анадолу Ефес – Реал Мадрид 76:60 (15:11, 14:20, 27:19, 20:10)
Макаби Тел Авив – Валенсија 76:63 (18:11, 15:17, 23:16, 20:19)
Баерн Минхен – Химки 74:87 (19:17, 18:27, 18:26, 19:17)
Црвена звезда – Барселона 65:73 (16:12, 20:21, 13:24, 16:16)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ембид го прекрши ветувањето што му го дал на претседателот Макрон
Кошаркарот на Филаделфија, Џоел Ембид му ветил на францускиот претседател Емануел Макрон во 2021 година дека ќе игра за Франција. Три години подоцна го прекрши ветувањето.
Ембид, се ремисли и реши на олимписките игри во Париз да го носи дресот на Соединетите Американски Држави.
Ембид имаше можност да игра за Камерун, земјата во која е роден.
„РМЦ Спорт“ го објави писмото Ембид што му го испратиl на претседателот Макрон во 2021 година.
„Откако разговарав со луѓе од Француската кошаркарска федерација, донесов одлука. Сакам да преземам чекори за да станам „натурализиран“ играч и на тој начин да можам да бидам член на „триколорите“. Затоа не сакам да играм за која било друга репрезентација. Никогаш не сум ги носел боите на ниту една репрезентација. За мене би било голема чест да се приклучам на оваа француска репрезентација за да учествувам на следните големи натпреварувања, особено на Олимписките игри во 2024 година“, пишува меѓудугото во писмото на Ембид.
Joel Embiid a envoyé une lettre à Emmanuel Macron en 2021, dans laquelle il a promis de jouer pour l’équipe de France afin d’obtenir la nationalité française, selon @RMCsport.
Extrait de la lettre : « Mon choix est arrêté […] Je ne souhaite jouer pour aucune autre équipe… pic.twitter.com/mVLV7xrhkF
— Benjamin Moubèche (@BenjaminMoubech) April 18, 2024
Инаку, Ембид е на списокот од 12 играчи на САД кои ќе играат во Париз.
Во ростерот на Стив Кер се и Стеф Кари, Тајрис Халибартон, Џру Холидеј, Ентони Едвардс, Девин Букер, Кевин Дурант, Џејсон Тејтум, Ентони Дејвис, Леброн Џејмс, Каваи Ленард и Бем Адебајо.
Спорт
Имобиле ќе го напушти Лацио, замената доаѓа од Џенова
По осум години минати во клубот, капитенот на Лацио, Чиро Имобиле ќе го напушти „Олимпико“, на крајот од сезоната.
Имобиле четири пати беше најдобар стрелец во италијанската Серија А, 34-годишниот се смета за еден од најдобрите напаѓачи во историјата на клубот.
Иако договорот му истекува дури во летото 2026 година, најдобриот стрелец во клупската историја не е во плановите на новиот тренер Игор Тудор, кој веќе најде замена за него.
Како што пишува италијанска „Ла Република“, следното лето Лацио ќе тргне по центарфорот на Џенова, Матео Ретеги, италијанскиот репрезентативец, роден во Аргентина.
Ретеги има 24 години, а оваа сезона за Џенова постигна осум гола на 26 натпревари, а за селекцијата на „аѕурите“ одигра шест натпревари и постигна четири гола.
Џенова за трансферот на Ретеги ќе бара околу 25.000.000 евра.
Спорт
Себаљос заминува од Реал
Играчот од средниот ред на Реал Мадрид, Дани Себаљос (27) ќе го напушти клубот по завршувањето на сезоната. Шпанските и италијанските медиуми тврдат дека тој ќе се пресели во Милан.
Себаљос е член на Реал од 2017 година, а од 2019 до 2021 година беше на позајмица во Арсенал. Се шпекулираше и пред почетокот на минатата сезона дека ќе го напушти клубот, но реши да остане, убеден дека ќе добие шанса од Карло Анчелоти.
Она што го планираше не му се оствари, тековната сезона ј минува на клупата за резерви.
Поради тоа е подготвен да го напушти Мадрид, а според информациите Реал нема да се противи на трансферот, што покажува и обесштетувањето кое го бара за Себаљос, а кое изнесува 8.000.000 евра.
Шпанските и италијанските медиуми пренесуваат дека најголем интерес покажал Милан, а како потенцијални дестинации се споменуваат и Атлетико Мадрид, односно Бетис.