Фудбалерите на Милан стигнаа до осмата победа во деветтиот сезонски меч во Серија А. На „Ренато Дал`ара“ во Болоња, славеа со 4-2 против пулените на Синиша Михајловиќ.

Во крајно возбудлив меч, со 6 гола, од кои еден автогол, 2 црвени картони и одлични голмански интервенции, пред се на домашниот чувар на мрежата Скорупски „Росонерите“ стигнаа до трите бода кои ги носат, барем до утре на чело на табелата.

Рафаел Леао во 16 минута, по асистенцијата на Златан Ибрахимовиќ донесе предност за „црно-црвените“ од 1-0.
Само 4 минути подоцна, Болоња остана со играч помалку на теренот откако Сумаро поради прекршок на 20 метри од зад грб доби директен црвен картон.

Во 35 минута, капитенот на Милан, Калабрија со одмерен удар од 20-тина метри носи предност од 2-0 за својата екипа.

На самиот почеток на вториот дел, една лоша интервенција на Ибрахимовиќ во својот шеснаесетник носи резултат 1-2 на семафорот.

По само 3 минути, во 52 минута и неуспешната офсајд замка на „Росонерите“, Бароу израмнува на 2-2.

Ерупција од воодушевување на трибините.

Домашните играчи се затворија во својот казнен простор, а при еден напад од левата страна на Туре, судијата Паоло Валери по вторпат вечерва го покажа црвениот картон. Овојпат за домашниот капитен кој невнимателно налета со копачката на ногата на Туре.

Од таа 58 минута, Болоња со двајца играчи помалку во поле одржуваше 2-2, пред се поради одличните интервенции на голманот Скорупски.

Сепак, Бенасер во 84 минута начека една одбиена топка, па со волеј од 20-тина метри ја затресе противничката мрежа.
До крајот на мечот играта на Болоња комплетно се распадна, па Златан Ибрахимовиќ со одмерен удар надвор од шеснаесетникот, во 90 минута ги постави конечните 2-4.

Во останатите два денешни дуели, најпрво Салернитана на свој терен загуби со 2-4 од Емполи, а подоцна Сасуоло со 3-1 беше подобар од Венеција.

Фудбалерите на Шериф Тираспол се најголемиот хит во досегашните натпревари сезонава во фудбалската Лига на шампиони.

Неверојатно делуваа мечевите на Шериф најпрво во квлификациите каде ги елиминираа Црвена Звезда и Динамо Загреб, а потоа сјајната низа продолжи и во групната фаза.

Тимот од Тираспол заработи милиони на зелениот терен, но парите не можат да легнат на нивната сметка затоа што банката во Приднестровље или Транснистрија не работи со странски валути.

Шериф е клуб од Молдавија која се води како независна држава под контрола на Русија, а главниот човек во клубот е Виктор Гушан, поранешен член на КГБ.

Фудбалската секција е само еден дел од она што Гушан го води во Транснистрија, а сите фирми се под едно име – Шериф.

Засега клубот нема начин како да ги добие заработените 20 милиони евра.

Првиот човек на Приднестровље, Вадим Красноселски упатил молба до премиерката на Молдавија, Наталија Гаврилити, но засега решение нема.

Во оваа област се издава сопствена валута – приднестровска рубља, но проблемот е што таа банка никој не ја признава, дури ни УЕФА.

Фудбалерите на Манчестер Сити со 4-1 славеа на гостувањето кај Брајтон во рамки на 9. коло во Премиерлигата.
Гостите целата работа ја завршија за само 18 минути во првото полувреме, од 13. до 31. минута.

Гундоган по асистенцијата на Бернардо Силва го отвори резултатот во 13 минута.

Грилиш запиша асистенција, а Фоден погодок во 28 минута.

Победникот беше решен во 31 минута кога повторно Фоден беше прецизен, овојпат по асистенцијата на Габриел Хесус.

Домаќините единствено што успеаја да направат беше почесен погодок, и тоа од белата тока во 80 минута. Мак Алистер биеше прецизно против Едерсон.

Во 95 минута, кога сите го очекуваа последниот судиски свиреж, Ријад Марез постигна и честври гол во домашната мрежа.

„Граѓаните“ упатија двојно повеќе удари за разлика од избраниците на тренерот Потер, а посебно се истакнаа двајцата голмани со неколку одлични интервенции.

По 9 кола, Сити е втор на табелата со 20 гола, минус 2 од лидерот Челси.

Брајтон, пак, одличната серија на 4 победи која ја прекинаа со три нерешени во низа вечерва ја завршија со вториот сезонски пораз.