Спорт
Сите голмани на кои Меси им дал гол добиваат шише пиво
Сите голмани на кои аргентинскиот фудбалер, Лионел Меси им дал гол ќе добијат барем едно шише пиво од компанијата „Budweiser“.
Меси го сруши рекордот на Пеле по бројот на голови за еден клуб на натпреварот против Валјадолид, со што стигна до бројката од 644. Пеле за Сантос постигна 643.
Компанијата „Budweiser“ е еден од спонзорите на Меси и тие на посебен начин сакаат да го одбележат огромниот успех на фудбалерот.
Интересно е што Икер Касилјас, поранешниот чувар на мрежата на мадридски Реал ќе добие дури 17 шишиња пиво.
Фотографии со пивски шишиња веќе објавија Јан Облак, Џанлуиџи Буфон, Кепа Аризабалага…
? Each goalkeeper that Messi has scored against is receiving a personalized bottle from Budweiser to celebrate Messi’s historical record of 644 goals at a single club. The bottles are each customized, leading up to the monuments tally. pic.twitter.com/oXj9VyYE3O
— MessiTeam (@Lionel10Team) December 24, 2020
Incredible this. What is amazing about these images is how many of the goalkeepers hold them with pride, as if it was an honor to be scored on by the GOAT ??? https://t.co/D4Z0J4CBMU pic.twitter.com/cOqQejnOFU
— roger bennett (@rogbennett) December 24, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.
Спорт
Ларкин од еден се сели во друг крај на Истанбул
Шејн Ларкин е еден од кошаракрите чии договор истекува на крајот од сезоната.
Американецот, пет сезони го носи дресот на Ефес. Со овој клуб освои две титули во Евролигата.
Ларкин ја има најголемата плата во Евролигата. Годишно тој заработува четири милиони евра.
Прашање е дали Ефес ќе му понуди нов договор на 31-годишниот Американец.
Наводно, целата ситуација внимателно ја следат од другиот крај на Истанбул. Фенербахче е заинтересиран да го донесе Ларкин од наредната сезона.
Фенербахче не е единствениот клуб кој покажува интерес за Ларкин, но според медиумите води во трката за неговиот потпис.
Оваа сезона Ларкин има 17 поени по натпревар, 5,2 асистенции, три скока и 1,1 украдена топка.
Спорт
Ѓоковиќ: Горан е член на семејството, пријател
Ден по веста дека Новак Ѓоковиќ и Горан Иванишевиќ ја прекинаа соработката, српскиот тенисер тренираше во Белград, во Кошутњак со Ненад Зимоњиќ.
Хрватските медиуми во Белград, се обидоа да добијат дополнителни одговори, зошто тенисерот и тренерот ја прекинаа соработката.
Ѓоковиќ се подготвува за Мастерсот во Монте Карло.
Српскиот ас не сакаше да дава дополнителни коментари на актуелната тема, но љубезно им се заблагодари на сплитските новинари.
„Сега не можам ништо да коментирам, извинете што нема да ви го дадам тоа што го барате, но ви благодарам што дојдовте. Добредојдени сте да останете овде, но јас и Горан ја завршивме нашата соработка. Ја видовте објавата, така што…“, рече Ѓоковиќ и додаде.
„Горан е член на семејството, пријател засекогаш и така ќе биде. Професионално едноставно се разделивме, направивме историски резултат – најтрофејниот играч и тренер досега, па мислам дека се е кажано во тоа смисла“.