Спорт
Сити остана непоразен во меч на граница на инцидент со Атлетико, Ливерпул со гол-шоу на „Енфилд“
Двата англиски фаворити, Манчестер сити и Ливерпул се пласираа во полуфиналето на Лигата на шампионите, продолжувајќи ја трката која ја водат цела сезона.
Сити по тешката 1:0 победа над Атлетико во Манчестер, на „Ванда Метрополитано“ остана непоразен и 0:0 им беа доволни за пласман меѓу четирите најдобри, додека Ливерпул по 3:1 гостинската победа кај Бенфика, одиграа воззбудливо 3:3 реми со Португалците и го запечатија својот пласман.
Атлетико не беше толку дефанзивно расположен како на првиот меч, и имаше свои шанси, посебно преку Антоан Гризман, додека Сити можеа рано да стигнат до водство, кога Илкај Гундоган ја погоди стативата. Атле посебно притисна во почетокот на второто полувреме, но немаа среќа да стигнат до голот на Едерсон.
Нервозата и нетрпеливоста меѓу двете екипи експлодираше во финишот на мечот, кога Фелипе го фаулираше Фил Фоден, а Стефан Савиќ се обиде да го крене Англичанецот и да го изнесе надвор од теренот. По ова се случи општа мешаница на теренот, Савиќ заврши со жолт, а Фелипе со црвен картон.
Did Felipe deserve a red card for this challenge against Foden? ?#UCL pic.twitter.com/c2Hk9kxt20
— Wyngback Soccer ⚽️ (@wyngback) April 13, 2022
Во Ливерпул пак, за разлика од Мадрид, имаше многу голови. Ибрахима Конате во 21. минута од мечот го постигна својот втор гол против Бенфика за водство на „црвените“, за Бенфика да израмни преку Гонсало Рамос во 32. минута. Роберто Фирмино „удри“ двапати во 55. и 65. минута за 3:1 водство на домаќините, пред Бенфика во 73. минута да намали преку Роман Јаремчук, а во 82. минута, талентираниот Уругваец Дарвин Нуњез израмни на 3:3.
ЛИГА НА ШАМПИОНИ, 1/4 ФИНАЛЕ, РЕВАНШ
Атлетико Мадрид – Манчестер сити 0:0, прв меч 0:1, вкупно 0:1
Ливерпул – Бенфика 3:3, прв меч 3:1, вкупно 6:4
ЛИГА НА ШАМПИОНИ, 1/2 ФИНАЛЕ
Манчестер сити – Реал Мадрид
Ливерпул – Вилјареал
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.
Спорт
Ларкин од еден се сели во друг крај на Истанбул
Шејн Ларкин е еден од кошаракрите чии договор истекува на крајот од сезоната.
Американецот, пет сезони го носи дресот на Ефес. Со овој клуб освои две титули во Евролигата.
Ларкин ја има најголемата плата во Евролигата. Годишно тој заработува четири милиони евра.
Прашање е дали Ефес ќе му понуди нов договор на 31-годишниот Американец.
Наводно, целата ситуација внимателно ја следат од другиот крај на Истанбул. Фенербахче е заинтересиран да го донесе Ларкин од наредната сезона.
Фенербахче не е единствениот клуб кој покажува интерес за Ларкин, но според медиумите води во трката за неговиот потпис.
Оваа сезона Ларкин има 17 поени по натпревар, 5,2 асистенции, три скока и 1,1 украдена топка.
Спорт
Ѓоковиќ: Горан е член на семејството, пријател
Ден по веста дека Новак Ѓоковиќ и Горан Иванишевиќ ја прекинаа соработката, српскиот тенисер тренираше во Белград, во Кошутњак со Ненад Зимоњиќ.
Хрватските медиуми во Белград, се обидоа да добијат дополнителни одговори, зошто тенисерот и тренерот ја прекинаа соработката.
Ѓоковиќ се подготвува за Мастерсот во Монте Карло.
Српскиот ас не сакаше да дава дополнителни коментари на актуелната тема, но љубезно им се заблагодари на сплитските новинари.
„Сега не можам ништо да коментирам, извинете што нема да ви го дадам тоа што го барате, но ви благодарам што дојдовте. Добредојдени сте да останете овде, но јас и Горан ја завршивме нашата соработка. Ја видовте објавата, така што…“, рече Ѓоковиќ и додаде.
„Горан е член на семејството, пријател засекогаш и така ќе биде. Професионално едноставно се разделивме, направивме историски резултат – најтрофејниот играч и тренер досега, па мислам дека се е кажано во тоа смисла“.