Спорт
Сити „преживеа“ кај Вест хем за реми кое може да значи титула
Манчестер сити губеа со 2:0 на полувреме на гостувањето кај Вест хем, за на крајот да извлечат 2:2 реми во претпоследното коло од Премиерлигата, резултат кој може да значи титула, бидејќи ги носи на 4 поени пред Ливерпул, кои имаат меч помалку.
Џерод Боуен, фудбалерот кој повеќе пати оваа сезона беше поврзуван токму со трансфер во Ливерпул, во 24. и 45. минута успеа да го совлада Едерсон за фантастична предност од 2:0 на тимот на Дејвид Мојс и уште поголема надеж на Ливерпул дека може да ги достигнат „граѓаните“ во последните два меча од сезоната.
Меѓутоа, тимот на Пеп Гвардиола почна фуриозно во второто полувреме, откако Џек Грилиш со помош на одбраната на Вест хем намали на 1:2 во 49. минута, за 20 минути подоцна, Владимир Цоуфал да си постигне гол за израмнување. Во 85. минута, пак, беше досуден пенал за гостите по фаулот над Габриел Жесус, но обидот на Ријад Марез да ја осигура победата заврши во рацете на голмaнот Лукаш Фабијански.
Во последното коло, Сити го пречекува тимот на Астон вила, додека Ливерпул во вторник гостуваат кај Саутемптон, за во последното коло да ги пречекаат Вулверхемптон.
Од другите мечеви, најинтересно беше на „Еланд роуд“, каде што Лидс во 92. минута извлече 1:1 реми со Брајтон, за да излезе од зоната за испаѓање со еден поен предност пред Барнли пред последното коло.
ПРЕМИЕРЛИГА, 37.КОЛО
Вест хем – Манчестер сити 2:2
Астон вила – Кристал палас 1:1
Лидс – Брајтон 1:1
Вотфорд – Лестер 1:5
Вулверхемптон – Норич 1:1
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1-37036”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.
Спорт
Помошникот на Артета ќе го преземе Феенорд?
Челниците на Феенорд се свесни дека тренерот Арне Слот ќе го напушти клубот во летниот преоден рок.
Англиските медиуми пренесуваат дека тој ќе го наследи Јирген Клоп во Ливерпул. Овие извири тврдат дека двете страни се блиску до конечен договор.
Ливерпул ќе треба да му плати на Феенорд десет милиони евра како обештетување, бидејќи Слот има уште две години од договорот со клубот од Ротердам.
Замената за Слот, како што пишува холандскиот весник „АД“, Феенорд ќе ја донесе од Арсенал. Според овој извор, нов тренер на Феенорд ќе биде асистентот на Микел Артета во Арсенал, Алберт Стуивенберг (54).
Стуиенберг, работел во јуниорските категории на Феенорд, потоа во Англија му беше помошник на Луис ван Гал во Манчестер Јунајтед.
Тој е со Артета во Арсенал од 2019 година, а доколку биде ангажиран во Феенорд, тоа би му била прва самостојна работа.
Спорт
Удинезе и Рома го завршија прекинатиот натпревар, славеа гостите
Фудбалерите на Удинезе и Рома го завршија прекинатиот натпревар од 32. коло во италијанската Серија А. Гостите од Рим славеа со гол во судиското надополнување со 1:2.
Натпреварот кој се играше на 14 април беше прекинат во 72. минута, откако дефанзивецот на Рома, Еван Ендика колабираше на теренот. Вечерва се одиграа преостанатите 18 минути.
Од 72.минута дуелот продолжи со резултат 1:1. Рома забележа значајна победа со голот на Брајан Кристанте во судиското надополнување, на асистенција на Пауло Дибала.
На двете екипи им беа неопходни бодови, Удинезе бидејќи се бори за опстанок, Рома е во трака за место Лигата на шампионите. Рома е петта на табелата со 58 бодови, четири помалку од Болоња на четвртото место. Удинезе е на 17. место со 28 бодови, колку шт има и Фросиноне.