Спорт
Скола ја однесе Аргентина во финалето на СП
Репрезентацијата на Аргентина со Луис Скола ќе ја предизвика Шпанија во борбата за светскиот кошаркарски трон. Аргентинците во полу-финалето ја совладаа фаворизираната Франција 80:66 (21:18, 18:14, 21:16, 20:18 ). Аргентинците втор пат во својата историја ќе играат во финалето, откако во 2002 година во Индијанаполис беа поразени од Југославија.
Ветеранот, 39 годишниот Скола во полу-финалето им одржа час по кошарка на Французите, мечот го заврши со 28 поени (3/4 за три), 13 скока и две асистенции. Тој ги постигна клучните две тројки со кој на три минути до крајот Аргентинците се одлепија на недостижни 15 поени разлика.
Аргентинците по Србија, со беспрекорна тимска игра, елиминираа уште еден од фаворитите. Клучната предност ја направија во средишницата на третиот период кога ја достигнаа максималната предност од 15 поени.
Покрај Скола двоцифрен ефект имаа уште Факундо Кампацо (12 поени, 5 скока, 7 асистенции), Габриел Дек (13 поени) и Лука Вилдоза (11 поени, 3 скока, 4 асистенции).
Аргентинските кошаркари успеаја да ја задржат француската осовина Руди Гобер, Нандо Де Коло, Еван Фурние што беше клучот за нивната победа.
Гобер не постигна кош од игра, мечот го заврши со три поени и 11 скока, Фурние реализираше 16 поени со лош процент 6/17, а погоди само една тројка, додека Де Коло заврши со 11 коша.
Најдобра француски играч беше кошаркарот на Њујорк Никс, Франк Нтликина со 16 поени и по два скока и асистенции.
Финалето на Светското првенство помеѓу Аргентина и Шпанија ќе се одигра в недела од 14 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.