Спорт
Сколс: Манчестер јунајтед се отровна средина, нека го купат Конте од Тотенхем!
Легендата на Манчестер јунајтед, Пол Сколс ја опиша атмосферата во клубот како „отровна“, и побара од првите луѓе на клубот да го „украдат“ Антонио Конте од Тотенхем во текот на летото.
Јунајтед имаат очајна сезона, за која прв цената ја плати поранешниот соиграч на Сколс, Оле Гунар Солскјер, а ниту неговата (привремена) замена Ралф Рангник не успеа да го крене нивото на игра на скапиот и талентиран состав. „Ѓаволите“ се во опасност да завршат надвор од топ 4 и да ја продолжат сезоната без трофеи на 5 сезони и Сколс вели дека нема да има брзо опоравување.
„Клубот изгледа како вистинска мешаница, со фудбалерите, придружниот состав и менаџерот. Кој би сакал да дојде во ваков клуб? Чувството е отровно. Дојде до момент во кој помислуваш: ‘Дали овие фудбалери се доволно добри?’. Знаеме дека Роналдо, Погба, Варан, Матиќ имаат големо искуство и освојувале трофеи, но остатокот од составот не се докажа дека е доволно добар да победи било што. Дел од фудбалерите веќе имаат искуство. Маркус Рашфорд има многу мечеви, дали ќе го видиме исполнувањето на неговиот потенцијал? Дали ќе бидат доволно добри да освојуваат трофеи? Мегваер, Линделоф, дали се доволно добри?“, вели Сколс.
Тој исто така смета дека поставувањето на Рангник е грешка.
„Отидовме по човек кој е ценет во Европа, посебно од менаџерите како Клоп и Тухел. Но, дали имал доволно успех како тренер? Влегол во прва лига во Германија и малку со Шалке, но тука доаѓа во најголемиот клуб на светот. Секогаш треба да го бараат најдоброто. Требаше да го имаме еден од најдобрите 5 менаџери на светот. Сега, Тухел, Пеп и Клоп се на првите три места и нема шанси да ги добиеме. Но, тука беше Антонио Конте. Велеа не им прилега на Јунајтед, но гледате што прави со Тотенхем, и најверојатно ќе ги претрка Јунајтед за четвртото место. Но, може да го купат од Тотенхем, веќе ова лето. Не знам дали ќе биде возможно“, додава Сколс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.