Шкотскиот репрезентативец Луис Фергусон поради повреда ќе го пропушти Европското првенство во Германија.

Играчот од средниот ред на Болоња ги повреди вкрстените лигаменти во коленот на натпреварот против Монца во Серија А и наскоро ќе биде опериран.

Првите прогнози велат дека тој ќе мора да отсуствува од терените најмалку шест месеци.

Неговата повреда доаѓа во незгодно време кога Болоња се бори за историски пласман во Лигата на шампионите. Болоња моментално се наоѓа на четвртото место во Серија А.

Фергусон пристигна во Болоња во 2022 година од Абердин. Досега има одиграно 12 натпревари за Шкотска.

Олимпискиот пламен беше запален во античка Олимпија и денеска е на пат за Париз, каде за 99 дена ќе започне најголемата смотра на светскиот спорт.

Свечената церемонија се одржа на античкиот стадион пред неколку илјади луѓе. Таму беа и Томас Бах, претседател на Интернационалниот олимписки комитет, како и Тони Естанж, првиот човек на Игрите во француската престолнина.

Пламенот го запали грчката актерка Мари Мина, а честа прв да го понесе факелот ја имаше олимпискиот шампион во веслање од Токио, Стефанос Дускос.

Факелот и го предаде на поранешната француска пливачка Лори Манаду, олимписка шампионка од Атина во 2004 година.

Факелот ќе патува низ Грција 11 дена, а потоа со брод ќе пристигне во Марсеј.

Олимписките игри годинава ќе се одржат од 26 јули до 11 август во Париз.

Вечерва по одигрувањето на реваншите во Барселона и Дортмунд ќе биде формирана првата полуфинална двојка во Лигата на шампионите. На програмата се четвртфиналните реванши меѓу Барселона и ПСЖ (3:2) односно Борусија Дортмунд и Атлетико Мадрид (1:2).

Пред дуелот со ПСЖ, Барселона во саботата го совлада Кадиз со минимален резултат, а стрелец беше Жоао Феликс, додека ПСЖ немаше обврски за викендот.

Избраниците на Луис Енрике имаа малку повеќе време за одмор и подготовка за натпреварот во Шпанија.

Шпанскиот првак десет години чека на нов трофеј во Лигата на шампионите, а толку време мина откако го играа последното финале.

Чави Ернандез би можел да си замине од Барселона на триумфален начин, со титула во Лигата на шампионите.

“Имаме одлична можност како клуб. Играме дома, тоа е голем фактор во наша корист. Може да има магични ноќи во „Монжуик“ какви што имаше на „Ноу Камп“. Имам чувство дека овој натпревар ќе биде сличен како првиот, но да не шпекулираме. Тие ќе не притиснат, а ние ќе треба да најдеме простор и да ја покажеме нашата сила и да се пласираме во полуфиналето“, вели Чави.

Од друга страна, ПСЖ, никогаш не ја освоил ЛШ, а со оглед на тоа дека трансферот на Килијан Мбапе во Реал Мадрид е речиси сигурен на крајот од сезоната, ова е негова последна шанса да го освои елитното натпреварување со „свеците“.

Ќе видиме дали ПСЖ има сили за пресврт. Да потсетиме, Барселона во сезоната 2017 успеа да надмине негатива од четири гола и да се пласира понатаму.

Според аналитичарите, Барселона е благ фаворит пред овој дуел.

Победникот од овој дуел ќе се соочи со подобриот двомеч Борусија Дортмунд-Атлетико Мадрид.

Дортмунд не успеа да се пласира во полуфиналето на Лигата на шампионите откако Јирген Клоп беше тренер во 2012/13 година.

Од друга страна, Атлетико гна почуфинале чека од сезоната 2016/2017 кога во полуфиналето загуби од Реал.

Сезонава изгледаат добро во ЛШ, дожиеаја само еден пораз, во претходната рунда од Интер во Милано.

Борусија се надева дека главниот адут ќе им биде домашниот терен. Покажаа дека сезонава можат да се борат на свој стадион и против поголеми противници. Главен показател е ремито со Милан и ПСЖ, како и победата против Њукасл и ПСВ во осминафиналето (2:0).

Пред овој дуел тие ја совладаа Борусија во Менхенгладбах со 2:1.

Од друга страна, Атлетико беше сигурен против Џирона (3:1) во малото дерби на Ла Лига.

Борусија во овој натрпевар ќе биде без повредениот Себастијан Але, додека Атлетико во Дортмунд допатува без суспендираниот Самуел Лино и повредениот Мемфис Депај.