Спорт
Со три поени од Лихтенштајн, на второ место и подготвени за „мегдан“ со Германија
Македонската фудбалска репрезентација ја забележа првата победа под водството на новиот селектор, Благоја Милевски, откако рутински со 0:4 ги победивме аутсајдерите Лихтенштајн, прекинувајќи ја низата од три ремија од претходните три мечеви во квалификациите за Светското првенство во 2022.
Победата не носи на второто место во групата, откако во Исланд и Ерменија одиграа 1:1 реми во Рејкјавик, додека Романија не успеа да го заддржи раното водство и во Хамбург загуби со 2:1 од германскиот „маншафт“.
Доминацијата во нашата игра во првото полувреме, конечно, заврши со гол во мрежата на Лихтенштајн во 39. минута кога Дарко Велковски најдобро се снајде по корнерот на Езѓан Алиоски, откако претходно ни беше поништен еден гол, а Дарко Чурлинов ја погоди пречката.
Во второто полувреме, во 66. минута, по соборувањето на Аријан Адеми во шестнаесетникот, Алиоски беше прецизен од белата точка за 0:2, а Бобан Николов, само што го замени Алиоски во 74. минута зголеми на 0:3, пред Дарко Чурлинов во 84. минута да ги постави конечните 0:4.
Во Хамбург, Германија на Ханси Флик доживеа шок во 9. минута, кога Јанис Хаџи постигна апсолутно прекрасен гол за неочекувано водство, но тие се созедоа во второто полувреме и израмнија преку Серж Гнабри во 52. минута од мечот, пред повратникот во репрезентацијата, Томас Милер во 81. минута да ја донесе петтата победа во шест меча во квалификациите (единствениот пораз е од Македонија со 2:1 на гости).
Исланд пак, ни направи услуга со 1:1 камбек ремито со Ерменија, со кое сме пред Ерменците на табелата. Во следното коло Ерменија и Романија имаат интересен дуел, додека нам ни пристигнува „маншафтот“ на Флик на празник на 11 октомври.
КВАЛИФИКАЦИИ ЗА СП 2022, ГРУПА Ј
Германија – Романија 2:1
Лихтенштајн – МАКЕДОНИЈА 0:4
Исланд – Ерменија 1:1
Фото: ФФМ
Графика: Sofascore за Топспорт.мк
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-90252-35021”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.