Спорт
Сопругата му „копала гроб“ на фудбалерот Емре Ашик, љубовникот ја издал
Јагмур Ашик, сопругата на екс-фудбалерот на Фенербахче, Галатасарај и на Бешикташ, Емре Ашик е обвинета дека на љубовникот му понудила 1.2 милиони американски долари за да го организира убиството на нејзиниот сопруг, пишува турски „Хуријет“.
„Со неа имав афера. Таа размислуваше само како да стигне до неговото богатство по неговата смрт. Бараше од мене да го убијам, но тоа го одбив. Еднаш ми донесе парче месо и бараше да пукам во него. Пукав во него, но и реков `Не можеш тоа да го направиш`. После тоа беше исклучително бесна“ – изјавил пред Обвинителството нејзиниот љубовник, Ерди Сунгур.
Тој во меѓувреме ја запознал сопругата на фудбалерот со професионален убиец кој поради 3 убиства веќе е во затвор.
Обвинителството наведува дека Јагмур Ашик на платен убиец му дала пиштол, а во турски регион барала место каде може да се закопа телото на својот маж по егзекуцијата. Сепак, убиецот се откажал од договорот.
Емре Ашик кој 34 пати го носеше дресот на Турција во бракот со Јагмур има 3 деца.
Yağmur Aşık'ın Emre Aşık'ı öldürtmek için cinayet planı yaptığı ortaya çıktı
Boşanma sürecinde olan Emre-Yağmur Aşık çifti bu sefer de kan donduran bir olayla gündeme geldi. Yağmur Aşık'ın, sevgilisiyle birlikte kocasını öldürtmek istediği, hatta mezar yeri aradığı ortaya çıktı. pic.twitter.com/14QzQqaKHT
— BASINTÜRK (@basinturkBT) September 24, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Челси го плати 62 милиони евра, тој одигра 36 минути и ја заврши сезоната
Челзи ги извести своите навивачи дека до крајот на сезоната е завршена за 20-годишниот играч од средниот ред Ромео Лавија. Кариерата на талентираниот фудбалер е забавена поради повредите, последната повреда е трета од доаѓањето во Челси.
Лавија пристигна во Манчестер сити од Андерлехт на 16-годишна возраст, а во тимот на Пеп Гвардиола дебитираше на 17-годишна возраст. Сепак, во 2022 година беше продаден на Саутемптон за нешто повеќе од 22 милиони евра. Челзи го донесе во август минатата година во трансфер кој надмина 62 милиони евра.
Оттогаш, тој пропушти 10 натпревари поради повреда на скочниот зглоб и пет поради фитнес проблеми, а потоа во декември минатата година заработи повреда на тетивата, поради која ја заврши сезоната.
Оваа сезона одигра само 36 минути, сите против Кристал Палас.
Спорт
Нејмар сака да се врати во Барселона
Нејмар по само една година, во која одигра само неколку натпревари за Ал-Хилал, бил подготвен да ја напушти Саудиска Арабија. Шпанските медиуми тврдат дека тој ќе се врати во Барселона.
Бразилецот наводно веќе разговарал со претседателот на Каталонците Џоан Лапорта.
Нејмар играше седум години на Камп Ноу, од 2010 до 2017 година, кога се пресели во француски ПСЖ за рекордни 222 милиони евра.
Тој освои осум трофеи со Барса, вклучувајќи две титули во шпанската лига и една во Лигата на шампионите.
За Барселона одигра вкупно 186 натпревари, постигна 105 гола и забележа 76 асистенции.
По шест години минати во Париз, минатата година ја прифати астрономската понуда на Ал-Хилал од 150 милиони евра по сезона.
Сепак, по само пет натпревари, на кои постигна еден гол, ги повреди предните вкрстени лигаменти на левото колено.
Според Шпанците, пореално е да се очекува евентуалното враќање на Нејмар во Барса во летото 2025 година, кога ќе му истече договорот.
Причината се финансиските проблеми во каталонскиот клуб поради кои има ограничен буџет за трансфери и плати.
Спорт
Родри една година не доживеал пораз
Фудбалерот на Манчестер сити и шпанската репрезентација, Родри (27) зад себе има неверојатно достигнување. Еден од главните адути на Пеп Гвардиола нема загубено натпревар за клубот или репрезентација веќе една година.
Последниот пораз Родри го имаше во дресот на Шпанија од Шкотска во квалификациите за Европското првенство на 28 март минатата година.
Оттогаш Манчестер сити и Шпанија се непоразени во натпреварите во кои играше Родри. Шпанија неодамна загуби од Колумбија во пријателски натпревар, но со одлука на селекторот Луис де ла Фуенте Родри не играше на тој натпревар. Тој играше на следниот натпревар и со два гола беше најдобар играч во ремито (3:3) со Бразил.
Во овој период без пораз, Родри со Сити ги освои Лигата на шампионите, Премиер лигата, ФА Купот, Суперкупот на Европа и Светското клупско првенство. Некои истакнуваат дека го загубил „Комјунити Шилд“ од Арсенал, на почетокот на сезоната, но тој натпревар официјално заврши без победник по 120 минути, подоцна Арсенал славеше по изведувањето пенали.