Спорт
Спарта Прага одговори на обвинувањата за расизам: Доста ги напаѓате нашите деца
Спарта Прага луто одговори на обвинувањата дека постоел расизам во постојаното исвиркување на фудбалерот од средниот ред на Глазгов Ренџерс, Глен Камара на вчерашниот меч од Лига Европа, посочувајќи дека публиката на стадионот биле деца.
Спарта добија забрана за присуство на гледачи на својот „Летна“ стадион поради расистичките навивања кон Орелиен Чуамени од Монако минатата сезона, но УЕФА дозволи 10.000 деца да присуствуваат на вчерашниот меч, кој го добија со 1:0.
Камара беше мета на постојано исвиркување, а публиката се радуваше кога во 74. минута тој доби втор жолт картон. Менаџерот на Ренџерс, Стивен Џерард ја критикуваше УЕФА за дозволата за публика на стадионот, откако Чехот Ондреј Кудела од Славија Прага беше казнет 10 меча за расистичка навреда токму кон Камара.
Спарта одговорија со соопштние.
„Неверојатно е да гледаме како се нападнати невини деца со неосновани обвинувања за расизам. Навредите кон децата на Интернет и преку медиумите е неприфатливо, очајнички и смешно. Нашиот клуб ќе ги брани децата, нашата гордост и иднина. Следиме постојани ксенофобични изјави кон Чешката Репбулика, нејзините жители и дури децатан а социјалните мрежи“, се вели во објавата на Спарта.
Десет илјади чешки деца не му заборавија на Камара, свирежи при секој допир
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.