Спорт
Србија ја победи Хрватска во луд меч на силен дожд за 12. титула од Светската лига
Во неверојатен меч на силен дожд во Белград, Србија успеа да ја победи Хрватска со 12:11 со гол од пенал на Филип Филиповиќ на 17 секунди пред крајот за да стане шампион од Светската лига и да обезбеди пласман на Олимписките игри во Токио следната година.
Дуелот на двете поранешни југословенски републики секогаш претставува нешто посебно за љубителите на ватерполото, но овојпат мечот беше навистина посебен, откако во текот на второто полувреме имаше неверојатно силен дожд на отворениот базен во „Ташмајдан“, а и резултатот беше постојано израмнет.
Хрватска имаше подобар старт на мечот и водеше со 2:0 и 4:1, пред Србите да направат целосен пресврт и да поведат со 6:4, пред на полувреме да се отиде со 6:5. Во второто полувреме двете репрезентации играа гол-за-гол, а тогаш почна силниот дожд, кој не успеа да го расипе расположението на десетилјадната публика.
Во финишот, Филип Филиповиќ донесе водство од 11:10 за Србите на две минути пред крајот, но Анте Вукчевиќ израмни на 45 секунди пред крајот. Филиповиќ повторно беше човек на одлука, откако беше сигурен при изведувањето на пеналот за голема победа.
Австралија го освои третото место во Светската лига, откако со 11:10 ја совлада Шпанија.
What a match!
Serbia wins the Men’s Water Polo World League #Superfinal!??12 – 11 ?? pic.twitter.com/02CgH4Enlo
— FINA (@fina1908) June 23, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Педри и Де Јонг ќе бидат подготвени за ПСЖ
Фудбалерите на Барселона, Педри и Френки де Јонг, најверојатно ќе се вратат во тимот за првиот четвртфинален натпревар од Лигата на шампионите против Пари Сен Жермен.
„Педри и Де Јонг се повредија на почетокот на месецот на мечот против Атлетик Билбао (0:0) во шпанското првенство, но се опоравија и би можеле да бидат во тимот за дуелот во Париз“, пишува „Мундо депортиво“.
Според оовј извор, Педри веќе почнал сам да тренира, а Де Јонг се уште е на рехабилитација, но наскоро ќе почне да тренира. Лекарскиот тим на Барселона е уверен дека тој ќе биде подготвен за натпреварот против ПСЖ на 10 април.
Андреас Кристенсен и Роналд Араухо имаат проблем со ситни повреди и најверојатно поради претпазливост ќе го пропуштат претстојниот првенствен натпревар во Барселона против Лас Палмас.
Спорт
Тренер на Лестер доби отказ – бил во врска со фудбалерка од тимот
Менаџерот на женскиот фудбалски клуб Лестер сити, Вили Кирк (45) е отпуштен откако со внатрешна истрага било откриено дека го прекршил кодексот на однесување.
Британските медиуми објавија дека Кирк е под истрага за наводна врска со фудбалерка од тимот.
Кирк првично беше суспендиран, а сега е отпуштен, со што заврши неговиот двегодишен престој во клубот.
„По опсежни внатрешни дисциплински постапки и почитување на индивидуалната приватност, Вили го прекрши кодексот на однесување до степен што ја прави неговата позиција неодржлива“, велат од клубот.
Тој му се приклучи на Лестер во јули 2022 година како спортски директор и ја замени Лидија Бедфорд на клупата четири месеци подоцна. Лестер моментално е деветти на табелата во англиската лига.
Спорт
И Манчестер јунајтед го сака Дани Олмо
Манчестер jунајтед влезе во трката за потписот на шпанскиот репрезентативец Дани Олмо.
Неодамна на пријателскиот натпревар со Брзил во Мадрид постигна гол во меч кој заврши без победник (3:3).
Олмо, во јуни минатата година го продолжи договорот со Лајпциг до летото 2027 година, но тоа не значи дека ќе остане таму до крајот на договорот.
Во јуни ќе може да се активира откупната клаузула во висина од 60 милиони евра.
За него претходно беа заинтересирани Манчестер сити, Челзи, Тотенхем и Реал Мадрид, а од неодамна во трката влезе и Манчестер Јунајтед.
На „Олд Трафорд“ парите за трансферот ќе соберат од продажба на играчи кои веќе немаат место во тимот. Прашање е дали Олмо ќе ги избере „црвените ѓаволи“, бидејќи се уште не се сигурни дали ќе играат во Лигата на шампионите наредната сезона.