Спорт
Србија со ѕвезден состав на Мундобаскет во обид да ги загрозат САД
Селекторот на кошаркарската селекција на Србија, Александар Ѓорѓевиќ го објави поширокиот список со 34 кошаркари од кои ќе го направи филтерот со 12 играчи, за претстојниот Мундобаскет во Кина.
Србите, според потенцијалот на играчите со кој располагаат, сигурно се кандидати за медал во Кина. Апетитите растат и кај северниот сосед сметаат дека можат да се носат и со недопирливите Американци.
Сите повикани играчи се одзваа на поканата за настап на селекцијата, па сега селекторот Ѓорѓевиќ ќе биде на слатки маки кого да поведе со себе во Кина.
Србија е во групата Д на СП, заедно со Ангола, Италија и Филипини.
Ова е првичниот состав на Србија:
Плејмејкери – Милош Теодосиќ, Стефан Јовиќ, Василије Мициќ, Илија Ѓоковиќ, Стефан Пот
Бекови шутери – Немања Недовиќ, Богдан Богдановиќ, Драган Милосављевиќ, Марко Гудуриќ, Бранко Лазиќ, Алекса Аврамовиќ, Дејан Тодоровиќ, Вања Маринковиќ, Огњен Јарамаз
Ниски крила – Владимир Лучиќ, Марко Симоновиќ, Огњен Добриќ, Никола Калиниќ, Немања Дангубиќ, Раде Загорац
Високи крила – Немања Бјелица, Милан Мачван, Стефан Бирчевиќ, Стефан Јеловац, Никола Мишковиќ, Бориша Симаниќ, Драган Апиќ
Центри – Никола Јокиќ, Мирослав Радуљица, Никола Милутинов, Бобан Марјановиќ, Огњен Кузмиќ, Дејан Кравиќ, Никола Јовановиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.