Спорт
Српски ватерполист е суспендиран – на сред меч противникот го нарекол пе.ер
Српскиот ватерполист Немања Убовиќ е суспендиран од шпанската екипа Сабадел затоа што во тек на натпревар го нарекол пе.ер ватерполистот на Тераса, Виктор Гутиерес кој пред неколку години и откри на јавноста дека е хомосексуалец.
„Убовиќ нема да биде дел од тренинзите и натпреварите се додека не се реши овој случај. Постојат спротивставени верзии и клубот работи на решавање на случајот, Клубот најостро осудува било какви хомофобни, ксенофобни или расистички изјави на свои играчи“ соопштија од шпанскиот ватерполо клуб.
Гутиерес чекал српскиот ватерполист да му се извини. Тој тврди дека навредите ги слушнале и играчите, но и луѓето на трибините. Тој, наводно, се расплакал по инцидентот.
„Ме нарече пе.ер, но на тоа поради тензиите во базенот не му дадов значење. Можеби така сакал да го дестабилизира ривалот. Меѓутоа, по натпреварот не сакав да се ракувам со него, а тој повторно ме нарече пе.ер. Тогаш разбрав дека постоела јасна намера да ме навреди. Не сакав повеќе да молчам и да ја кријам хомофобијата во спортот. Мора да се реагира“ рече Гутиерес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.