ММА борбите во последната деценија станаа едно од најатрактивните шоуа за спортските фанови, но понекогаш желбата за нешто „посебно“ и „специјално“ оди предалеку, посебно во ММА организациите од Русија и Полска.

Последен ваков момент ни доаѓа од Русија со таканареченото „Поп ММА“ шоу, во кое има навистина неверојатни мечеви, како тој во кој двајцата фајтери имаат врзан очи (иако како што може да се забележи од снимката, двајцата мамат.

Always something new from those events #popMMA pic.twitter.com/QxcR2NRZGN

— Matysek (@Matysek88) June 24, 2022

Целото „Поп ММА“ шоу, на кое има и други бизарни мечеви како „двајца против еден“ можете да го видите на следното видео.

Откако новата ера на Челси под водство на американските газди стартуваше тивко без големи трансфери туку со повеќе заминувања (Кристенсен, Ридигер, Лукаку…), англиските медиуми тврдат дека Тод Бели ги договара трансферите на Рахим Стерлинг и Усман Дембеле во нападот.

Бели, чија корпорација го купи лондонскиот клуб од Роман Абрамович го замени Брус Бак како претседател на клубот, но ја презеде улогата на Марина Грановскаја, која досега ги средуваше трансферите на клубот. Според „Дејли мејл“, стратегијата на фудбалскиот пазар Бели ја води во консултација со менаџерот Томас Тухел, кому ќе му биде потребно засилување во нападот.

25-годишниот Дембеле, иако му заврши договорот со Барселона, би сакал да остане во Каталонија, но таму не можат да му ја понудат досегашната плата од 150.000 фунти неделно, додека Челси се подготвени да стигнат до сума од 200.000 фунти секоја недела. Тухел работеше со Дембеле во Борусија Дортмунд во 2016/17 пред неговиот трансфер во Барселона, а германскиот тренер исто така веќе контактирал со Стерлинг, кој има уште една година од договорот со Сити.

На Челси му се неопходни и засилувања во одбраната, по заминувањето на Андреас Кристенсен во Барселона и на Антонио Ридигер во Реал Мадрид, и според италијанските медиуми веќе преговараат со Јувентус за носење на Матијс де Лихт на „Стемфорд Бриџ“.

Килијан Мбапе инсистира дека Пари Сен-Жермен веќе не биле „страшен“ тим под тренерот Маурисио Почетино, кој се верува дека веќе има добиено отказ и дека газдите на францускиот клуб се подготвени да го промовираат Криштоф Галтие во нов тренер.

ПСЖ ја освоија титулта во француската Лига 1 со 15 поени предност, но повторно „паднаа“ во Лигата на шампионите по спектакуларниот колапс против Реал Мадрид, кога имаа предност од два гола пред Карим Бензема да постигне хет-трик во само 18 месеци.

Мбапе, кој неодамна ја продолжи верноста кон клубот, со договор кој му дава огромна моќ во Париз, не бил импресиониран од работата на поранешниот менаџер на Тотенхем.

„Последната сезона не бевме толку страшни, и не бевме веќе недопирливи. Сакаме повторно да бидеме застрашувачки во Франција, нешто што не ни успеа последните две сезони. Секако, Лигата на шампионите останува наша цел. Тоа е јасно одредена цел. Не треба да објаснуваме многу, го сакаме тој трофеј“, вели Мбапе.