Спорт
Старт со пораз од Финска за одбојкарите на ЕП
Македонските одбојкари не ги искористија своите многубројни шанси, посебно во последниот четврти сет, за со пораз да го стартуваат настапот на Европското првенство во одбојка, дебитирајќи на големите натпреварувања со 1:3 (23:25, 22:25, 25:23, 21:25) пораз од Финска.
А почетокот беше одличен, откако во првиот сет имавме предност од 20:16, но дозволивме Финците да израмнат и да го освојат сетот, по што лошата низа продолжи и во вториот сет. Сепак, дека „спартанците“ не се на ЕП случајно, тие покажаа во третиот сет, кога успеаја да се вратат од негатива и да го освојат. Во последниот сет, едноставно се пропуштија многу шанси и се дозволи Финците да се одвојат и да стигнат до победа.
Репрезентативците утре го продолжуваат шампионатот со дуелот со Турција, која претходно успеа да му земе еден сет на фаворитот Русија, но на крајот беа поразени со 3:1 (25:13, 23:25, 25:17, 25:15).
ЕВРОПСКО ПРВЕНСТВО ВО ОДБОЈКА
ГРУПА А
Бугарија – Грција 3:0 (25:22, 25:16, 25:20)
Португалија – Италија 0:3 (21:25, 10:25, 22:25)
Франција – Романија 20.45 ч.
ГРУПА Ц
Турција – Русија 1:3 (13:25, 25:23, 17:25, 15:25)
Финска – Македонија 3:1 (25:23, 25:22, 23:25, 25:21)
Словенија – Белорусија 20.30 ч.
North Macedonia lost, but fought back in their debut at #EuroVolleyM ?and good blocking and great defence being the key factors for @FinnVolleyBall ?? take the vitory. Check the match centre for details: https://t.co/S7SioRMzRf pic.twitter.com/YNKi4Yrm8u
— EuroVolley (@CEVEuroVolley) September 12, 2019
Фото: ЦЕВ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Де Хеа во Бетис?
Давид Де Хеа, минатото лето, како слободен играч го напушти Манчестер јунајтед. Имаше понуди, најмногу од Саудиска Арабија, но тој реши да ја чека вистинската, поради што ја пропушти оваа сезона.
Де Хеа на почетокот на сезоната доби понуда и од Реал Мадрид, кој остана без првиот голман Тибо Куртоа, но одби да се пресели на „Сантијаго Бернабеу“. Не откри дали го одбил „кралскиот клуб“ поради финансиската понуда или поради тоа што тој е „дете“ на Атлетико Мадрид.
Шпанските медиуми тврдат дека Де Хеа од наредната сезона се враќа меѓу стативите. Според овие извори тој ќе брани за Бетис. Ќе потпише договор со клубот од Севилја кога ќе започне преодниот рок.
Бетис моментално се седми на табелата во Примера.
Спорт
Баерн преговара и со селекторот на Австрија
Фудбалскиот клуб Баерн веќе два месеци го бара наследникот на Томас Тухел, а сега почнале преговори со Ралф Рангник, пренесува германскиот новинар на „Скај Спорт“, Флоријан Плетенберг.
Баварците се во потрага по нов шеф на стручниот штаб кој би го тимот од Тухел по завршувањето на сезоната. Затоа почнале преговори со Рагник, кој е селектор на Австрија со која ќе настапи на ЕУРО 2024. Новинарот потенцира дека многу работи би треабло да се поклопат за Рангник да дојде во Минхен.
Плетенберг пренесува дека е воспоставен контакт со Рагник откако станало јасно дека преговорите за враќање на Јулијан Нагелсман пропаднале кога тој потпиша нов договор со Германскиот фудбалски сојуз, а Баерн сака што поскоро да го претстави новиот тренер.
Договорот на Рагник со Австрискиот фудбалски сојуз е до Светското првенство во фудбал во 2026 година, но може да биде раскинат со соодветна отштета. Доколку челниците на Баерн успеат да се договорат со 65-годишниот стручњак, парите не би требало да бидат проблем.
Дополнително, Де Зерби и Зинедин Зидан се уште се кандидати за клупата на Баерн.
Спорт
Ѓоковиќ: Сакам да учествувам и на ОИ во 2028 година
Новак Ѓоковиќ го искористи петтото прогласување за најдобар спортист на планетата за да ги открие своите идни планови.
Српскиот тенисер, на новинарите во Мадрид им откри дека се ште не размислува за пензионирање.
„Мојата најважна цел годинава е златен медал на Олимписките игри во Париз. Верувам дека е можно, да не верувам, немаше ни да играм. Секогаш мора да верувате дека се е можно во животот. Којзнае дали повторно ќе имам таква шанса. Сакам да учествувам на Игрите во Лос Анџелес во 2028 година, но никогаш не се знае што ќе се случи.
Тој објасни и зошто решил да не игра на Мастерсот во Мадрид.
„Го подготвувам своето тело за Ролан Гарос, Вимблдон, Игрите и Ју-ес Опен и овој период е исклучително важен за мене. Планирам за две недели да учествувам на Мастерсот во Рим. Се надевам дека следната година ќе играм во Мадрид. Сè уште сум млад, ми останува уште многу време за игра“, се пошегува Ѓоковиќ, кој за околу еден месец полни 37 години.