Спорт
Статистиката предвидува две дерби-пресметки во осмина-финалето
Ждрепката за осмина-финалето во Лигата на шампионите ќе донесе најмалку две дерби средби. Статистиката вели дека актери ќе бидат клубовите од Мадрид, Реал и Атлетико.
Реал го освои првото место во групата и ќе биде меѓу носителите на ждрепката, што значи дека првиот меч ќе го игра на гостински терен. Атлетико не е меѓу носителите, „јорганџиите“ дури во последното коло стигнаа до второто место во Б-групата.
Статистичарите пресметале дека најголеми шанси да се сретнат во осмина-финалето имаат Челси и Реал Мадрид. 32,32 отсто се шансите Челси и Реал да ја повторат четврт-финалната пресметка од минатата сезона.
Шансите Реал да го извлече ПСЖ се 19,39 отсто.
Математиката вели дека Атлетико ќе оди во Манчестер или Торино. Доколку Виљареал ја мине Аталанта, тогаш шансите Атлетико да игра против Јунајтед или Сити, односно против Јувентус се 18,53 отсто.
Во случај Аталанта да избори осмина-финале, тогаш шансите за пресметката помеѓу Аткетико и Јувентус растат на 22,25 отсто.
Носители на ждрепката ќе бидат победниците на групите: Ајакс, Баерн Минхен, Ливерпул, Манчестер сити, Манчестер јунајтед, Реал Мадрид, Јувентус, Лил.
Во групата на неносители се: ПСЖ, Челси, Атлетико Мадрид, Интер, Спортинг Лисабон, Салцбург, Бенфика, Аталанта или Виљареал.
Ждрепката за осмина-финалето ќе се одржи на 13.декември, во 12 часот, во седиштето на УЕФА во Нион.
Првите натпревари ќе се играат на 15/16 и 22/23.февруари, а реваншите на 8/9, односно 15/16.март 2022 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.