Стеф Кари ќе добие бланко чек од Голден стејт Вориорс

Стеф Кари нема никакви дилеми каде сака да ја заврши кариерата, а се чини дека и Голден Стејт Вориорс немаат никакви дилеми околу желбата да го задржат.

Стеф Кари и Голден Стејт Вориорс очигледно не сакаат да дозволат нивното партнерство да биде доведено во прашање. Кари има опција да потпише нов, двегодишен максимален договор вреден повеќе од 130 милиони долари следното лето, што би можел да го задржи во дресот на франшизата Сан Франциско до 40-годишна возраст.

Како што објавува Ентони Слејтер од ESPN, ситуацијата во преговорите е доста невообичаена. Вориорс, според неговите информации, практично не му поставиле никакви услови на Кари и се подготвени да му дадат целосна контрола врз новиот договор.

Со други зборови, Голден Стејт е подготвен да ја чека одлуката на Кари и не планира да се пазари со играчот кој ја одбележа најуспешната ера во историјата на клубот.

„Нема сомнение дека сакам да останам до крајот на мојата кариера и сум апсолутно сигурен дека тоа ќе се случи“, рече Стеф Кари.

Сепак, новиот договор не мора веднаш да се потпише. Кари моментално е врзан за Вориорс, а неговиот тековен договор истекува следното лето.

Доколку продолжувањето се случи во 2027 година, Голден Стејт би добил дополнителна флексибилност во „селери капот“ и би можел да биде поактивен на пазарот на слободни агенти.

Foto/ Depositphotos