Спорт
Суарез се сели во САД, соиграчи ќе му бидат Бејл и Кјелини
Уругвајскиот напаѓач Луис Суарез моментално е без клуб откако му истече договорот со Атлетико Мадрид. Суарез претходните две сезони играше со многу успех во Атлетико, но летово го напушти клубот откако не успеа да постигне договор за продолжување на соработката.
Суарез е во Барселона, каде напорно тренира во тренинг центарот на каталонскиот клуб.
Откако се појавија шпекулации дека би можел да замине во Серија А или Премиер лигата, се чини дека Суарез конечно ја донесе својата одлука и како што стојат работите тој ќе ја напушти Европа.
Шпанските медиуми утринава објавија дека Суарез донел одлука да потпише за Лос Анџелес и ќе игра во американската МЛС.
Наводно, Суарез бил охрабрен од доаѓањето на Герет Бејл и Џорџо Киелини во овој клуб и сфатил дека заминувањето во САД и не е толку лош потег за него на крајот од кариерата.
Се очекува Суарез во наредните денови да отпатува за Лос Анџелес каде ќе ги помине лекарските прегледи и потоа ќе го потпише договорот.
Оваа информација ќе ги растажи навивачите на неговиот прв клуб, Национал, кои покренаа петиција на социјалните мрежи, клубот да го врати напаѓачот во Монтевидео.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шекил: Сакам Симонс да ме научи како за 55 натпревари заработи 80 милиони долари
Изјавата на Шекил О’Нил во еден подкаст, во пресрет на почетокот на плеј-офот во НБА лигата, привлече големо внимание во САД.
Еден од најдобрите центри во историјата на кошарката, саркастично одговори на прашањето за кои играчи би платил карта да ги гледа во живо.
„Бен Симонс, затоа што сакам да научам како можеш да заработиш 80 милиони, а да одиграш само 55 натпревари. Научи ме човеку. Научи ме како можеш да одиграш 55 натпревари во три сезони и да добиеш 30 милиони, 40 милиони и уште 40 милиони само за да рекол дека го боли грбот“, рече четирикратниот шампион во НБА.
Симонс во 2016 година беше прв пик на драфтот, го избра Филалделфија, во чии редови беше до 2022 година кога се пресели во Бруклин Нетс. За Бруклин во првата сезона одигра 40 натпревари, а оваа само 15.
Спорт
Педри и Де Јонг ќе бидат подготвени за ПСЖ
Фудбалерите на Барселона, Педри и Френки де Јонг, најверојатно ќе се вратат во тимот за првиот четвртфинален натпревар од Лигата на шампионите против Пари Сен Жермен.
„Педри и Де Јонг се повредија на почетокот на месецот на мечот против Атлетик Билбао (0:0) во шпанското првенство, но се опоравија и би можеле да бидат во тимот за дуелот во Париз“, пишува „Мундо депортиво“.
Според оовј извор, Педри веќе почнал сам да тренира, а Де Јонг се уште е на рехабилитација, но наскоро ќе почне да тренира. Лекарскиот тим на Барселона е уверен дека тој ќе биде подготвен за натпреварот против ПСЖ на 10 април.
Андреас Кристенсен и Роналд Араухо имаат проблем со ситни повреди и најверојатно поради претпазливост ќе го пропуштат претстојниот првенствен натпревар во Барселона против Лас Палмас.
Спорт
Тренер на Лестер доби отказ – бил во врска со фудбалерка од тимот
Менаџерот на женскиот фудбалски клуб Лестер сити, Вили Кирк (45) е отпуштен откако со внатрешна истрага било откриено дека го прекршил кодексот на однесување.
Британските медиуми објавија дека Кирк е под истрага за наводна врска со фудбалерка од тимот.
Кирк првично беше суспендиран, а сега е отпуштен, со што заврши неговиот двегодишен престој во клубот.
„По опсежни внатрешни дисциплински постапки и почитување на индивидуалната приватност, Вили го прекрши кодексот на однесување до степен што ја прави неговата позиција неодржлива“, велат од клубот.
Тој му се приклучи на Лестер во јули 2022 година како спортски директор и ја замени Лидија Бедфорд на клупата четири месеци подоцна. Лестер моментално е деветти на табелата во англиската лига.