Аргентина е последниот полуфиналист на Светското првенство откако ја победи Швајцарија со 3:1 по продолжение во драматично четвртфинале во Канзас Сити.

Алексис Мек Алистер ги доведе Аргентинците во водство, Ден Ндоје израмни за Швајцарците, а Хулијан Алварез и Лаутаро Мартинез ја обезбедија победата за бранителот на титулата во продолжението.

Аргентина поведе во 10-та минута. Лионел Меси изведе корнер, а Алексис Мекалистер остана небранет на првата статива и ја испрати топката со глава во мрежата зад Грегор Кобел.

После тоа, бранителот на титулата ја контролираше играта до полувремето без многу тешкотии, но не покажа голема амбиција да постигне втор гол. Единствената сериозна закана за Швајцарија во првото полувреме ја испрати Џибрил Соу со удар од дваесет метри, но топката заврши во рацете на Емилијано Мартинез.

Во 67-та минута, Мартинез беше немоќен. Ндоје и Родригез одиграа одлично двојно додавање, по што швајцарскиот напаѓач влезе во шеснаесетникот и со прецизен удар од непосредна близина го погоди спротивниот агол за израмнување на 1:1.

Потоа следуваше бизарното исклучување на Енболо, кој со солзи во очите замина од теренот.

Со играч повеќе, Аргентина ја презеде целосната контрола и притискаше силно, но до крајот на регуларниот дел не успеа да постигне гол. Најблиску до гол беа Меси, кој шутираше покрај стативата во судиското надополнување, и Лисандро Мартинез, чиј обид Кобел го одбрани со максимален напор.

Притисокот продолжи и во продолжението. Во 95-та минута, Тијаго Алмада ја погоди стативата со удар од дваесет метри, а натпреварот беше решен во 112-та минута. Кобел го одбрани ударот на Меси, но топката отскокна до аргентинските играчи, а акцијата ја заврши Хулијан Алварез. Со фантастичен удар од работ на шеснаесетникот, тој го погоди горниот лев агол и ѝ донесе на Аргентина водство од 2:1.

На самиот крај, Швајцарија се обиде на „сè или ништо“ со играч помалку, што отвори простор за контранапад. Лаутаро Мартинез стави точка на мечот во првата минута од судиското продолжение.

Foto/ EPA

Англија ја победи Норвешка во третиот натпревар од четвртфиналето на Светското првенство. Андреас Шјелдеруп ги доведе Норвежаните во водство, а потоа Џуд Белингам постигна два гола за пресврт и пласман во Топ 4.

Еве како англиските медиуми го видоа натпреварот.

Гардијан: Англија се протна, но покажа ширина и карактер

„Англија мораше да се бори, понекогаш имаше среќа, но едноставно не се откажаа и се извлекоа“, пишува Гардијан. Се истакнува дека ширината на ростерот и квалитетот од клупата, на крајот донесоа предност. „На крајот славеа, но без премногу еуфорија бидејќи сите беа целосно исцрпени“, додава Гардијан.

Би-Би-Си: Белингам повторно ја спаси Англија

„Од каде да почнам? Уште едно големо разочарување со примениот гол, но оваа Англија е цврста градба“, изјави Алан Ширер за Би-Би-Си. Тој истакнува дека во второто полувреме Англичаните мораа да страдаат и да се бранат под притисок, но повторно најдоа начин. „Не е изненадување што Џуд Белингам повторно ги спаси“, додаде Ширер.

Би-Би-Си: Не беше најдобрата претстава, но ја заврши работата

„Од каде воопшто да почнеме по ова? Повторно беа турнати на работ“, изјави Пол Робинсон за Би-Би-Си. Тој нагласува дека Англија не била вистинската, но дека најважно е што целта е постигната. Тој, исто така, ги критикува тактичките промени на Томас Тухел, но додава: „Тие се држеа до планот, а кога ги имате Џуд Белингам и Хари Кејн, имате играчи за големи натпревари“.

Сан: Кога го имате Белингам, секогаш имате шанса

„Токму кога помисливте дека е крајот на патот, патот до славата продолжува“, пишува „Сан“. Се истакнува дека Англија изгледаше како тим што си оди дома поголемиот дел од натпреварот, но сè се промени на крајот. „Кога го имате Џуд Белингам, секогаш имате шанса“, заклучува таблоидот.

Foto/ EPA

Норвешката бајка на Светското првенство заврши на суров начин во четвртфиналето со пораз од Англија по продолженијата (1:2). Пласманот на Англија во полуфиналето ќе остане во сенка на сериозна судиска грешка. Голот за 1:1 мораше да биде поништен бидејќи топката го погоди кабелот што ја држи камерата, падна одеднаш и се отвори контра на Англија. Норвежаните протестираа, но залудно.

Сè беше решено кога голманот на Норвешка, Ниланд, имаше ужасна интервенција по ударот на Роџерс, ја испушти топката, а Белингам брзо реагираше и ја погоди мрежата.

Здодевни беа првите половина час, а потоа дојде голот што го отвори натпреварот. Шјелдеруп сакаше да центрира за Халанда, но се покажа како идеално за него и Норвешка. Топката зеде траекторија што го измами Пикфорд се одби од стативата и влезе во мрежата.

Во тие момент ,ожеше да се види стравот на лицата на играчите на Англија, а ќе беше уште полошо за нив доколку Серлот да беше посмирен во две ситуации. Никој не го обвини за малку непрецизниот шут во првата можност, но Халанд му беше лут што не му додаде во втората ситуација.

Себичноста брзо стигна на наплата, Англија израмни со голот на Белингам. Само, голот на асот на Реал мораше да биде поништен!

Норвежаните имаа гол поништен на почетокот на второто полувреме, ВАР процени дека Халанд направил прекршок пред Хегем да ја затресе мрежата.

Англичаните имаа голема среќа во финишот што Норвешка ја погоди пречката, но и што немаше реакција од ВАР собата за туркање на норвешкиот играч одзади во гол шанса.

Дојдоа Англичаните некако до продолженија, а во 93-та минута добија подарок од голманот Ниланд. Тој не ја фати топката по ударот на Роџерс, Белингам дотрча и го постигна вториот гол на натпреварот – шести на првенството.

Очајниот судија Турпан досуди пенал за Англија во 100-та минута, но беше повикан од ВАР собата да ја прегледа ситуацијата и тогаш виде дека Спенс одглуми пенал.

Потоа во 109-та минута две брилијантни интервенции на Ниланд по ударите на Спенс и Сака.

До крајот Тухел ја затвори играта, не им дозволи на Норвежаните да направат ниту една шанса пред голот на Пикфорд.

На крајот трагичарот Ниланд во солзи замина од теренот.

Англија во полуфиналето ќе игра против Аргентина или Швајцарија.

Foto/ EPA