Спорт
Тајсон Фјури чека шесто дете: Сите сами за себе ќе си заработуваат леб!
Боксерот Тајсон Фјури (32) изјави дека со сопругата Парис го чекаат нивното шесто дете. Имаат три сина и две ќерки, а најмладиот е Принц Адонис Амазијах роден во 2019 година.
„Имам прекрасна жена и здрави деца. Тоа е најважната работа, здравјето на семејствоо, ништо друго не е важно. Работа, пари, кариера, ништо од тоа не е важно, единственото што не можете да го добиете назад е изгубеното време со семејството“ порача популарниот „Џипси кинг“.
И сподели на јавноста како се носи со секојдневните предизвици во одгледувањето на децата. Вели дека не сака се да им овозможи затоа што планира да ги научи нормално да живеат и сами да си заработуваат в иднина.
„Многу ми е битно да се држам до традицијата и да имам многу деца. Децата мора да научат колку е тешко да се заработува. Ако ме видат мене како само трошам и живеам како филмска ѕвезда, ќе мислат дека тоа е единствено нормално. Мораат да заработуваат од нормална работа, 200-300 фунти неделно, битно е колку и да заработуваат нивните умови да не се `загадени` од родителите милионери. Моите деца не одат во приватно училиште, туку во нормално, како и сите останати“ заклучи боксерскиот шампион.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.
Спорт
Покетино: Лукаку е играч на Челси
Ромелу Лукаку, во целост ја оживеа кариерата во Рома. Клубот има можност да го откупи неговиот договор, но прашање е дали има пари да вложи во трансферот на Белгиецот.
Лукаку не успеа да се наметне во Челси, самиот побара да замине, а неколку пати изјави дека нема намера да се враќа во Лондон. Минатата сезона ја мина во Интер, а оваа е во Рома.
За статусот на курпулентниот Белгиец проговори и тренерот на сините, Маурисио Покетино.
„Тој е играч на Челзи, па ќе обрнеме внимание на него. Ваков став во овој момент има клубот, но се уште немаме донесено никаква одлука“, изјави Покетино.
Лукаку оваа сезона постигна 18 гола на 41 натпревар за Рома во сите натпреварувања.