Спорт
„Тавеџа лаже, никој ЦЗ не ги шеташе судиите по Белград“
Поранешниот генерален секретар на фудбалскиот клуб Црвена звезда Владимир Цветковиќ одговорил на обвинувањата од италијанскиот великан Милан.
Поранешниот технички директор на Милан Паоло Тавеџа пред неколку дена се потсетил на натпреварот помеѓу Црвена звезда и Милан во 1988 година кој беше прекина поради густата магла, а од почеток се одигра наредниот ден.
Тој во својата изјава тврди дека ги видел челниците на Црвена звезда за едно со судиите Дитер Паули во ноќен клуб ден пред натпреварот.
„Тоа е лага. Нема врска со вистината. Никаде не се случува челниците на клубот да одат по ноќни клубови со судиите. Логиката вели доколку се случи тоа со судиите да бидат непознати луѓе, пријатели на клубот“, рекол Цветковиќ.
Милан таа година успеа да ја елиминира Црвена звезда во четврт-финалето по изведувањето на пенали. Тимот од Белград во првиот меч кој е прекинат поради маглата во 67 минута водел со 1:0. Повторениот меч заврши 1:1, Милан се пласира понатаму, а подоцна и ја освои титулата.
„Не знам кој е Тавеџа. Од директорите на милан го познавам само Брајда. Тој е господин, тој сигурно не би дошол на идеја да измислува работи. Не ми е јасно зошто по 30 години на овој начин се отвора тема за натпреварот, но ова е доказ дека колку големи работи направила Црвена звезда и колку се прераскажуваат нејзините натпревари“.
„Еве ви уште еден доказ дека Тавеџа леже. Судијата толку се исплашил што го виделе со челниците на Црвена звезда што на Милан им поништи чист гол! Топката влезе во голот, удри во мрежата, Маза Василијевиќ ја исфрли од голот, а тој тоа не го виде. Судијата го оштети Милан, а не нас“.
Цветковиќ е убеден дека Црвена зведа ќе ја освоеле титулата доколку таа сезона успеала да го победи Милан. Открива е дека жали за некои други работи.
„На крајот се си дојде на свое место (Црвена звезда стана европски првак во 1991 година). Ех да не беше војната и ембаргото…Имавме голема несреќа, сигурно е дека со години ќе бевме во врвот, ќе владеевме. Колку јак тим имавме најдобро покажува анкетата на „Марка“. Кога во анкета на еден толку релевантен медиум ќе завршиш на третото место на најдобрите тимови на сите времиња тоа не може да биде случајно“, заклучил Цветковиќ.
Поранешниот директор на Милан отворено за забавите со судиите во Белград
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Але го пропушта натпреварот со Пари Сен Жермен
Напаѓачот на Борусија Дортмунд, Себастијан Але, речиси сигурно ќе го пропушти полуфиналето од Лигата на шампионите против Пари Сен Жермен следната недела, пренесува „Лекип“.
Репрезентатиецот на Брегот на Слоновата коска, го повреди скочниот зглоб на гостувањето кај Борусија Менхенгладбах (2:1), Але ќе мора да паузира најмалку две недели.
Ова е лоша вест за напаѓачот кој неодамна се опорави од рак на тестисите и штотуку почнува да се враќа во добра форма.
Зимава настапуваше за репрезентацијата на Брегот на Слоновата Коска со која го освои Африканскиот куп на нации.
Але одигра 40 натпревари за Дортмунд, постигна 12 гола и забележа шест асистенции.
Борусија се пласираше во полуфиналето на Лигата на шампионите за прв пат по 2013 година, кога го елиминираше Реал Мадрид, а потоа загуби од Баерн Минхен во финалето на „Вембли“.
Спорт
Де Хеа во Бетис?
Давид Де Хеа, минатото лето, како слободен играч го напушти Манчестер јунајтед. Имаше понуди, најмногу од Саудиска Арабија, но тој реши да ја чека вистинската, поради што ја пропушти оваа сезона.
Де Хеа на почетокот на сезоната доби понуда и од Реал Мадрид, кој остана без првиот голман Тибо Куртоа, но одби да се пресели на „Сантијаго Бернабеу“. Не откри дали го одбил „кралскиот клуб“ поради финансиската понуда или поради тоа што тој е „дете“ на Атлетико Мадрид.
Шпанските медиуми тврдат дека Де Хеа од наредната сезона се враќа меѓу стативите. Според овие извори тој ќе брани за Бетис. Ќе потпише договор со клубот од Севилја кога ќе започне преодниот рок.
Бетис моментално се седми на табелата во Примера.
Спорт
Баерн преговара и со селекторот на Австрија
Фудбалскиот клуб Баерн веќе два месеци го бара наследникот на Томас Тухел, а сега почнале преговори со Ралф Рангник, пренесува германскиот новинар на „Скај Спорт“, Флоријан Плетенберг.
Баварците се во потрага по нов шеф на стручниот штаб кој би го тимот од Тухел по завршувањето на сезоната. Затоа почнале преговори со Рагник, кој е селектор на Австрија со која ќе настапи на ЕУРО 2024. Новинарот потенцира дека многу работи би треабло да се поклопат за Рангник да дојде во Минхен.
Плетенберг пренесува дека е воспоставен контакт со Рагник откако станало јасно дека преговорите за враќање на Јулијан Нагелсман пропаднале кога тој потпиша нов договор со Германскиот фудбалски сојуз, а Баерн сака што поскоро да го претстави новиот тренер.
Договорот на Рагник со Австрискиот фудбалски сојуз е до Светското првенство во фудбал во 2026 година, но може да биде раскинат со соодветна отштета. Доколку челниците на Баерн успеат да се договорат со 65-годишниот стручњак, парите не би требало да бидат проблем.
Дополнително, Де Зерби и Зинедин Зидан се уште се кандидати за клупата на Баерн.