Спорт
ТдФ: Јуан со ризичен спринт до победа на третата етапа, Алафилип остана во жолто
Австралискиот ветеран Кејлеб Јуан (Лото-Судал) успеа да ја „грабне“ победата на третата етапа на Тур де Франс од Ница до Сестерон, додека Французинот Жулијан Алафилип (Деусенинк-Квик степ) остана со лидерската жолта маичка.
Во спринтерски финиш, Јуан за малку ќе завршеше во оградата, но успеа да ги победи Сем Бенет (Деусенинк-Квик степ) и Џакомо Ницоло (НТТ Про). По неодамнешниот судир на Фабио Јакобсен на Трката околу Полска по која заврши во кома, потегот на Јуан беше оценет како крајно ризичен и постоеја шпекулации дека ќе биде дисквалификуван, но на крајот тој доби само честитки од својот ирски ривал Бенет. Ова е четврта етапна победа во кариерата на Јуан.
Французинот Антони Перез, еден од кандидатите за победа во категоријата Крал на планините, мораше да се откаже откако при пад ја скрши клучната коска.
Here's a detailed look at @CalebEwan's incredible sprint as he took the stage win in Sisteron ?
Revivez, vu du dessus, l'incroyable slalom de Caleb Ewan pour s'imposer à Sisteron. ?#TDF2020 pic.twitter.com/nVuWjyG4hB
— Tour de France™ (@LeTour) August 31, 2020
>
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Педри и Де Јонг ќе бидат подготвени за ПСЖ
Фудбалерите на Барселона, Педри и Френки де Јонг, најверојатно ќе се вратат во тимот за првиот четвртфинален натпревар од Лигата на шампионите против Пари Сен Жермен.
„Педри и Де Јонг се повредија на почетокот на месецот на мечот против Атлетик Билбао (0:0) во шпанското првенство, но се опоравија и би можеле да бидат во тимот за дуелот во Париз“, пишува „Мундо депортиво“.
Според оовј извор, Педри веќе почнал сам да тренира, а Де Јонг се уште е на рехабилитација, но наскоро ќе почне да тренира. Лекарскиот тим на Барселона е уверен дека тој ќе биде подготвен за натпреварот против ПСЖ на 10 април.
Андреас Кристенсен и Роналд Араухо имаат проблем со ситни повреди и најверојатно поради претпазливост ќе го пропуштат претстојниот првенствен натпревар во Барселона против Лас Палмас.
Спорт
Тренер на Лестер доби отказ – бил во врска со фудбалерка од тимот
Менаџерот на женскиот фудбалски клуб Лестер сити, Вили Кирк (45) е отпуштен откако со внатрешна истрага било откриено дека го прекршил кодексот на однесување.
Британските медиуми објавија дека Кирк е под истрага за наводна врска со фудбалерка од тимот.
Кирк првично беше суспендиран, а сега е отпуштен, со што заврши неговиот двегодишен престој во клубот.
„По опсежни внатрешни дисциплински постапки и почитување на индивидуалната приватност, Вили го прекрши кодексот на однесување до степен што ја прави неговата позиција неодржлива“, велат од клубот.
Тој му се приклучи на Лестер во јули 2022 година како спортски директор и ја замени Лидија Бедфорд на клупата четири месеци подоцна. Лестер моментално е деветти на табелата во англиската лига.
Спорт
И Манчестер јунајтед го сака Дани Олмо
Манчестер jунајтед влезе во трката за потписот на шпанскиот репрезентативец Дани Олмо.
Неодамна на пријателскиот натпревар со Брзил во Мадрид постигна гол во меч кој заврши без победник (3:3).
Олмо, во јуни минатата година го продолжи договорот со Лајпциг до летото 2027 година, но тоа не значи дека ќе остане таму до крајот на договорот.
Во јуни ќе може да се активира откупната клаузула во висина од 60 милиони евра.
За него претходно беа заинтересирани Манчестер сити, Челзи, Тотенхем и Реал Мадрид, а од неодамна во трката влезе и Манчестер Јунајтед.
На „Олд Трафорд“ парите за трансферот ќе соберат од продажба на играчи кои веќе немаат место во тимот. Прашање е дали Олмо ќе ги избере „црвените ѓаволи“, бидејќи се уште не се сигурни дали ќе играат во Лигата на шампионите наредната сезона.