Спорт
ТдФ: Луценко со соло-победа на Мон Ајгуал
Казахстанаецот Алексеј Луценко е победник на шестата етапа на Тур де Франс, првиот планински финиш по 191 километар од Ле Тел до Мон Ајгуал по соло трка, додека Адам Јејтс останува лидер во генерален пласман и покрај нападо од Жулијан Алафилип.
Луценко (Астана) се покажа како најсилен од групата од осум велосипедисти кои се одвои на етапата низ планините на Масиф Сентрал, и направи соло трка на претпоследното искачување на Кол де ла Лузет, за своја прва етапна победа на Тур де Франс. Шпанецот Хезус Ерада (Кофидис) беше втор со 55 секунди заостанување, додека трет беше Белгиецот Грег ван Авермет (ЦЦЦ).
Јејтс остана лидер во генерален пласман, откако не се случи најавената пресметка на ривалите за победа во генерален пласман, иако Алафилип успеа да врати една секунда од неговата предност откако вчера беше казнет со 20 секунди и ја загуби жолтата маичка. Јејтс има три секунди предност пред Примож Роглич (Џамбо-Висма), додека Тадеј Погачар (УАЕ Тим Емирати) е трет со уште четири секунди заостанување. Алафилип е на 16. место со 15 секунди послабо време.
? After a long breakaway of 8 riders, it was @AlexeyLutsenko3 who rode out victor at the Mont Aigoual summit!
⚡ Here are the flash highlights of the #TDF2020's 6th stage #TDFunited pic.twitter.com/oHo3YQu8Il— Tour de France™ (@LeTour) September 3, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.