Спорт
ТдФ: Тојнс со етапна победа, Чиконе нов носител на жолтата маичка
Италијанецот Џулио Чиконе ја загуби победата на шестата етапа на Тур де Франс од Белгиецот Дилан Тојнс, но ја презеде лидерската жолта маичка од Французинот Жулиен Алафилип по првиот планински финиш на најславната велосипедска трка.
Чиконе и Тојнс беа последните кои останаа од групата од 14 велосипедисти кои се одвоија на калдрмата на искачувањето до Ла Супер Планш де Бел Фил. Тојнс (Бахреин Мерида) на крајот ја славеше првата победа на големите трки, додека Чиконе (Трек Сегафредо) изгледаше „скршен“ откако не успеа да додаде етапна победа на ТдФ на својот прв триумф на Џиро Д’Италија во мај.
Белгиецот Ксандро Морис (Ванти-Гобер) го освои третото место, додека Алафилип (Деукеунинк-Квикстеп) заврши на шестото место зад Британецот Герант Томас (Инеос) и Тибо Пино (Групама-ФДЈ), двајца велосипедисти кои се фаворити за победа во генерален пласман.
Со шесте секунди бонус за второто место, Чиконе неочекувано стана лидер во генерален пласман, а во исто време ја презеде и маичката со црвени точки како лидер во планински пласман. Чиконе има шест секунди предност пред Алафилип, Тојнс е трет со 32 секунди заостанување, Томас е петти со 49 секунди, а Пино седми со 58 секунди зад новиот лидер.
? Relive the incredible last kilometre and the @dylan_teuns‘ win!
? Revivez cet incroyable dernier kilomètre et la victoire au sommet de Dylan Teuns !#TDF2019 pic.twitter.com/rcTrnc99ai— Tour de France™ (@LeTour) July 11, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.