Спорт
Тебас: Мислите дека сме глупави, не е закана само Суперлигата, закана е и претседателот на ФИФА
Неуспешниот проект наречен европска Суперлига уште долго ќе биде актуелен во фудбалските кругови. Три клуба (Реал, Барселона, Јувентус), јавно се се откажаа од проектот, поради што Дисциплинската комисија на УЕФА поведе постапка против нив. Се шпекулира дека УЕФА може да ги суспендира и дека тие нема да играат во Лигата на шампионите наредната сезона. Клубовите кои се откажаа од Суперлигата, добија парични казни од УЕФА.
На темата Суперлига, во четвртокот, говореше првиот човек на шпанската лига, Хавиер Тебас. Тој тврди дека приказната не е завршена, бидејќи Суперлигата има поддршка од ФИФА и нејзиниот прв човек Џани Инфантино.
„Клубовите од Суперлигата покажаа незнаење и комплетен неуспех. Тие мислат дека ние сме глупави идиоти и дека веруваме во нивните соопштенија дека сакале да не модернизираат. Тие сакаат да не уништат. Сакаат да ги земат парите од домашните првенства и да го распределат на неколку клубови. Мислат дека тие ќе го спасат фудбалот и дека ние сме глупави, наивни марионети кои не знаат ништо. Не може се да се реши само со промената на форматот.
Четири принципи се нарушени во овој момент. Спортските заслуги, економската стабилност на европскиот фудбал, автономијата на домашните првенства и правото „еден клуб еден глас“. Ова не заврши со пропаста на Суперлигата, ФИФА ја поддржа Суперлигата, тоа може да се види од документите на Суперлигата. Опасноста не доаѓа само од Реал, Барселона и Јувентус, опасноста доаѓа и од претседателот на ФИФА.
„Доколку нивните идеи се толку добри, дека Суперлигата е спасот за сите, зошто тогаш проектот го држеа во тајност? Зошто тоа го објавија во недела навечер? Ве молам, немојте да мислите дека сме глупаци“, рекол Тебас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.