Спорт
Тен Хаг: Не е добро
Новиот менаџер на фудбалерите на Манчестер јунајтед, Ерик Тен Хаг, изјави дека ситуацијата не е толку добра, но истакна дека е убеден оти може да постигне успех.
Тен Хаг, вчера, од трибините гледаше како нивниот нов тим загуби од Кристал Палас со 1-0, со што тимот дојде до шестото место во Премиер лигата.
Холанѓанецот, кој минатата недела пристигна во Лондон за да почне со плановите за следната сезона, не негува илузии за задачата што го чека, туку е фокусиран на плановите поврзани со преодниот рок.
„Моментата ситуација не е добра и мора да ја прифатиме, но исто така треба да бидеме свесни дека оваа екипа беше втора во Премиер лигата пред една година. Потенцијалот постои и сега на нас е да го извадиме“, изјави Тен Хаг за клупската телевизија.
„Тоа е процес, ќе треба време, но убеден сум дека ќе стигнеме до точка каде што ќе постигнеме успех. Мора да работиме напорно и се да се базира на вистинската филозофија и стратегија“, додаде тој.
Холанѓанецот потврди дека Јунајтед ќе ги почне подготовките за следната сезона на 27 јуни.
„Мораме да го засилиме тимот на одредени позиции. Но, како што кажав, пред една година овој тим беше втор во лигата, така што има потенцијал и со нетрпение очекувам да работам со тимот“, изјави Тен Хаг.
Планот му е да изгради тим во кој играчите ќе се борат еден за друг, кој е обединет и кој ќе носи резултати.
Трансферот на „Олд Трафорд“ го нарече возбудливо поглавје во неговата кариера и додаде дека со нетрпение очекува да работи во клуб со толку голема историја.
Манчестер јунајтед објави дека поранешниот селектор на Англија, Стив Мекларен, и Мичел ван дер Гаг ќе му бидат помошници на Тен Хаг. Мекларен веќе соработуваше со Тен Хаг во Твенте, а Ван дер Гаг со него во Ајакс.
Мекларен работеше како асистент на Алекс Фергусон на „Олд Трафорд“ од 1999 до 2001 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.