Спорт
Тежок пораз на Вардар кај Веспрем
Ракометарите на Вардар го забележаа вториот пораз во Лигата на шампионите. Европскиот првак на гостувањето кај Веспрем е поразен со (17:21).
Шок терапијата и смената на тренерот по катастрофалниот пораз од Кил во Скопје не ги тргне вардаровите ракометари од летаргичноста. Вардар одигра лош меч против Веспрем чии играчи влегоа мотивирано во натпреварот со цел да се реваншираат за поразот во финалето минатата сезона.
Одново проблем за Вардар беше одбраната, која не профункционира во ниту еден момент и голманите кои имаа мал процент на одбрани. Податокот дека Вардар во првиот дел прими 21 гол доволно зборува за играта во одбраната.
Веспрем првата посериозна предност ја стекна во 12 минута (9:5) кога Кокшаров побара минута одмор. Вардар потоа ја преполови предноста (15:13), но до крајот на првиот дел Унгарците ја вратија разликата од четири гола.
Работите на теренот не се сменија ниту во второто полувреме, Веспрем ја одржуваше предноста, а сите надежи на Вардар дека може да се доближи згаснаа во 50 минута кога домашните играчи ја стигнаа до предност од седум гола (32:25). Разликата стана двоцифрена во 57 минута (37:27), а во еден момент Веспрем имаше и 39:27.
До крајот Вардар успеа да избегне двоцифрен пораз 39:30.
Дибиров беше најефикасен кај Вардар со осум гола колку што постига Лауге кај Веспрем. Втор стрелец кај Вардар беше Дисингер со пет гола.
Раритет е што капитенот на Вардар Столе Стоилов кој не одигра ниту секунда на овој меч во 58 минута доби црвен картон.
Во Лигата на шампионите следува репрезентативна пауза, наредниот меч Вардар ќе го одигра во Скопје на 3 ноември против Мешков Брест.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ѓоковиќ: Сакам да учествувам и на ОИ во 2028 година
Новак Ѓоковиќ го искористи петтото прогласување за најдобар спортист на планетата за да ги открие своите идни планови.
Српскиот тенисер, на новинарите во Мадрид им откри дека се ште не размислува за пензионирање.
„Мојата најважна цел годинава е златен медал на Олимписките игри во Париз. Верувам дека е можно, да не верувам, немаше ни да играм. Секогаш мора да верувате дека се е можно во животот. Којзнае дали повторно ќе имам таква шанса. Сакам да учествувам на Игрите во Лос Анџелес во 2028 година, но никогаш не се знае што ќе се случи.
Тој објасни и зошто решил да не игра на Мастерсот во Мадрид.
„Го подготвувам своето тело за Ролан Гарос, Вимблдон, Игрите и Ју-ес Опен и овој период е исклучително важен за мене. Планирам за две недели да учествувам на Мастерсот во Рим. Се надевам дека следната година ќе играм во Мадрид. Сè уште сум млад, ми останува уште многу време за игра“, се пошегува Ѓоковиќ, кој за околу еден месец полни 37 години.
Спорт
Крај на сезоната за Де Јонг
Фудбалерот на Барселона Френки де Јонг го повреди скочниот зглоб на натпреварот против Реал Мадрид. Холанѓанецот во финишот на првото полувреме, со помош на лекарскиот тим го напушти теренот.
Барселона ја потврди повредата на Де Јонг без да прецизира колку време ќе биде надвор од терените.
Каталонските медиуми објавија дека Холанѓанецот ќе отсуствува пет недели, што значи дека оваа сезона за него заврши.
Според истите извори, 26-годишниот холандски репрезентативец би требало да биде подготвен за Европското првенство кое е закажано од 14 јуни до 14 јули.
Холандија на ЕП ќе игра во групата Д со Франција, Полска и Австрија.
Спорт
(Видео) Филаделфија за 30 секунди испушти +5 – Њујорк во серијата води со 2:0
Њујорк Никс во нестварна завршница успеаја да ја совладаат Филаделфија со 104:101 и поведоа со 2-0 во серијата.
На Филаделфија не и помогна тоа што имаа водство од 101:96 на 30 секунди пред крајот на четвртата четвртина… Сепак, тогаш Брансон погоди тројка од дриблинг, а во следниот напад Донте ДиВинченцо покажа зошто тој е еден од најдобрите шутери во оваа сезона во НБА и тој погоди тројка.
На крајот, Тајрис Макси промаши, а Оу-Џи Ануноби од линијата за слободни фрлања го постави конечниот резултат 104:101. Џоел Ембид се обиде во последната секунда од тешка позиција, но не успеа да му донесе продолжение на својот тим.
Во демонстрација на физички напорна кошарка, која често недостасува во текот на регуларниот дел, беа забележани многу дуели кои беа полни со физички контакти.
Според американските медиуми, Сиксерси не биле задоволни од судењето, па ќе поднесат официјална жалба до раководството на НБА.
Џејлен Брунсон беше најефикасен кај победниците со 24 поени, но со очаен шут од поле – 8/29. Тој забележа и осум скока и шес асистенции. Џош Харт ги одигра сите 48 минути за тимот на Том Тибодо и за тоа време забележа 21 поен (7/16 од поле), 15 скока и три асистенции.
Донте ДиВинченцо додаде 19, Ајзеаа Хартенштајн 14, а Оу-Џи Ануноби 10 поени во тимот за кој, да потсетиме, поради повреда не настапува Џулиус Рендл.
Филаделфија го доби во нападот она што го бара од двајцата најдобри играчи, но целосно потфрли остатокот од екипата. Тајрис Максинатпреварот го заврши со 35 поени (12/22 од поле), девет скока и 10 асистенции.
Џоел Ембид одигра 39 минути и покрај тоа што се уште не е целосно закрепнат од повредата на коленото и имаше 34 поени (12/29 од поле, 8/12 слободни фрлања), 10 скока и шест асистенции.